Астана әкімдігі

АСТАНА ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

14.03.2016, 18:09 Баспасөз орталығы / Жаңалықтар
Мысыр Астананың елорданы ауыстыру бойынша тәжірибесін қабылдауда

Бүгін,  14 наурыздаАстана әкімі Әділбек Жақсыбеков Тұрғын үй істері, коммуналдық шаруашылық және қалалық даму министрі МұстафаМадбули бастаған МысырАраб Республикасыныңделегациясымен кездесті. Шетелдік қонақтардың елордаға келуінің негізгі мақсаты – Қазақстан Республикасының елорданы ауыстыру бойынша тәжірибесін қабылдау.

Тура бір жыл бұрын министр М. Мадбули Шарм эш-Шейхте экономикалық даму және инвестициялар жөніндегі халықаралық конференцияда барша әлемге Каирден шығысқа қарай орналасқан Мысырдың жаңа астанасын салу туралы жоспарды таныстырған болатын. Қала халқының көптігі ел астанасын ауыстыруға септігін тигізіп отыр. Жаңа астана Каирдің жалғасы ретінде жаңадан салынады. Кездесуде Мысырда Тұрғын үй істері, коммуналдық шаруашылық және қалалық даму министрлігі мен Қорғаныс және әскери өнеркәсіп министрлігі елорданы ауыстыру бойынша уәкілетті органдар болып табылатыны атап өтілді.

Мысырдың Тұрғын үй істері, коммуналдық шаруашылық және қалалық даму министрі аз уақыттың ішінде еуразиялық өңірдің орталығына айналған қазақстандық елорданы ауыстыру тәжірибесіне мүдделілік танытты.

«Екі ел арасында достық қарым-қатынас орнаған, Президентіміздің айтқанымен мұнда Астанамен танысу үшін келдік», - деді М.Мадбули. Шетелдік қонақ мысырлық тараптың елорданы ауыстырудың бастапқы кезеңінде осы процесстерді ұйымдастыруды басқарудың қалай өткеніне қызығушылық танытып отырғанын атап өтті.

Ә. Жақсыбеков Қазақстанның жаңа елордасын салу туралы шешімді Мемлекет басшысы қабылдағанын жеткізді. Қайта құрылу кезінде қабылданған шешімге объективті экономикалық және басқа да факторлар да ықпал етті. Астана қысқа уақыттың ішінде экономикалық және әлеуметтік тұрақты, гүлденген демократиялық мемлекеттің заманауи Қазақстанның жаңа келбетіне айналуы жоспарланып, ол жүзеге асты.

«Алғашқы күннен бастап құрылыстың жоғары қарқыны белгіленіп, алға бірқатар міндеттер қойылды. Бүгінде Астана ұлттық идеяның көрінісіне, Қазақстан тарихындағы жаңа дәуірдің символына айналды», - деді қала басшысы. Бұл ретте ол елорданың өз тәжірибесімен қуана бөлісетінін атап өтті.

Кеше, 13 наурызда шетелдік делегация Астананың маңызды жерлерін аралап, жалғасып жатқан құрылыстың ауқымымен танысты.

Мысыр Қорғаныс және әскери өнеркәсіп министрінің орынбасары, қарулы күштерді инженерлік басқарудың бастығы Камел Абдельхади Фараг Уазир Астанадан шабыт алғандарын айтты.

«Құрылыс саласында 38 жылға жуық уақыттан бері еңбек етіп келемін, сондықтан Астананы салуға жоғары білікті мамандар, құрылысшылар, сәулетшілер тартылғанын айта аламын. Бізбен бөліскелі отырған тәжірибелеріңізді жаңа астанамыздың құрылысында пайдаланатын боламыз»,- деді Мысыр Қорғаныс және әскери өнеркәсіп вице-министрі.

Ә. Жақсыбековтің атап өтуінше, Астананың қала құрылысы саясаты бірнеше кезеңнен тұрады, оларды жүзеге асыруға біртіндеп барша әлемнен үздік мамандар тартылды. Мысалы, қаланың Бас жоспарының  ядросын салған белгілі жапон сәулетшісі Кисе Курокаво.

Кездесу барысында қала қонақтары елорданың 18 жылдың ішіндегі даму үрдісімен танысып, құрылыс жоспарларын және индустриалды әлеуетті іске асыруды, абаттандыру, көгалдандыру және қаланың тыныс-тіршілігіне инновациялық технологияларды енгізу мәселелерін талқылады. Алдағы уақытта өтетін ЭКСПО-2017 халықаралық мамандандырылған көрмесіне ерекше назар аударылды.

Мысыр министрі Астана қаласының әкімдігіне қонақжайлылығы мен Қазақстанның жас астанасының қалыптасуымен танысуға мүмкіндік бергені үшін алғысын білдірді.

Кездесуден кейін мысырлық делегация «Астанабасжоспар» ҒЗЖИ болды. Астана қаласы әкімінің бірінші орынбасары Сергей Хорошун шетелдік қонақтарды қаланың дамуымен егжей-тегжейлі таныстырды. Сондай-ақ, шетелдік қонақтар тіршілікті қамтамасыз ету мен ЭКСПО көрме кешенінің объектілерін тамашалайды.

Кез келген материалды Астана қаласының ресми сайтына белсенді гиперсілтеме болғанда ғана пайдалануға рұқсат етіледі http://astana.gov.kz.