Астана әкімдігі

АСТАНА ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

Жасыл көшеттер

26.09.2016, 19:27

Қаладағы ағаштардың жалпы саны 369 мыңнан асады. Бұл көрсеткіш саябақтар мен гүлбақтар салу және қайта жаңартудың, көгалдандырудың есебінен,сондай-ақ жобалау-сметалық құжаттамаға (ЖСҚ) сәйкес жаңа құрылыс нысандарының аумақтарын көгалдандырудың нәтижесінде жыл сайын артып отырады. Астанада ағаштардың ұласып өсу деңгейі орташа шамамен 92% құрайды.

2015 жылы қала бойынша 19 202 ағаш, соның ішінде Алматы ауданында – 7 552, Сарыарқа ауданында – 2 136, Есіл ауданында 9 514 ағаш отығызылды. Сонымен қатар, 4891 погондық метр бұталы қоршау жасалды.

Жеңістің 70 жылдығын мерекелеу аясында генерал Панфилов пен 28 панфиловшыға арналған аллеяның құрылысы аяқталды, ақмолалық жауынгерлерге арналған ескерткіш орналасқан гүлбақ қайта жөнделді.

Екі гүлбақ салынды: біреуі Қорғалжын тасжолының бойында, екіншісі Көктал-2 тұрғын алабында Құсмұрын және Тарбағатай көшелерінің арасында орналасқан.12 гүлбақ бойынша ЖСҚ әзірленді, соның ішінде 6 гүлбақ денсаулық сақтау нысандарыныңжәне алтауы қала аумағында орналасқан.

2016 жылы 23 сәуірде жалпықалалық экологиялық сенбілікте қосымша 16 303 көшет (қызыл тал, татар үйеңкісі, қарағай, қайың, емен, пирамидалық терек, шетен), соның ішінде Алматы ауданында – 8 437, Есіл ауданында – 5 606 және Сарыарқа ауданында 2 260 ағаш отырғызылды.

Кез келген материалды Астана қаласының ресми сайтына белсенді гиперсілтеме болғанда ғана пайдалануға рұқсат етіледі http://astana.gov.kz.