Астана әкімдігі

АСТАНА ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

02.02.2017, 11:59 Жаңалықтар / Білім
Әкімдік балабақшалардың қызметіне тексеру жүргізуде

Астана қаласының әкімі Әсет Исекешевтің тапсырмасымен қалада балабақшалардың қызметін толық тексеру мақсатында арнайы комиссия құрылды.

2017 жылғы 31 қаңтар күні кешке әлеуметтік желілерді пайдаланушы Жанна Шапенова астаналық білім беру қызметкерлеріне өзінің бұйымтайын білдірген. Онда №77 «Қошақан» мемлекеттік балабақшасының суреттері жүктелген.

«Қазіргі кезде барлық ескертулер жойылды. Бүгін 2 ақпан күні аталмыш балабақшада комиссия жұмысының нәтижелері бойынша жалпы ата-аналар жиналысы өтеді. Балабақшаның қызметкерлері үшін бөлек жиналыс ұйымдастырылады», - деп атап өтті Астана қаласы білім басқармасының басшысы Сенғазыев Қасымхан.

Айта кетейік, 2016 жылдың қазан айынан бері Астанада сенім телефондары қызмет етеді.

Егер сіз немесе сіздің балаларыңыз Астана қаласының білім беру ұйымдарында әкімшіліктің немесе оқушылардың тарапынан заңға қайшы әрекеттерге (мектептің қажеттілігіне ақша жинау, баланы мектепте қатарластарының ұрып-соғуы, мектеп аумағында темекі өнімдерін және т.б. сату) тап болсаңыз, мұндай жағдайларды назарсыз қалдырмауды сұраймыз.

Шағымдардың кез келген фактілері (балабақша, мектеп, колледж) бойынша Астана қаласы білім басқармасының «жедел желі» телефондарына хабарласыңыз: 55-01-62, 8-778-255-01-62. Жұмыс уақыты – с 9:00 до 19:00, түскі үзіліс 13:00-14:30.

Кез келген материалды Астана қаласының ресми сайтына белсенді гиперсілтеме болғанда ғана пайдалануға рұқсат етіледі http://astana.gov.kz.