Астана әкімдігі

АСТАНА ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

«Qamqor» мобильді қосымшасы

10.05.2017, 20:54

Елордада кәсіпкерлерге көмекші болатын «Qamqor» мобильді қосымшасы әзірленді. Қазақстан Республикасының Бас Прокуратурасы құқықтық статистика және арнайы есепке алу жөніндегі комитетінің Астана қаласы бойынша басқармасының жобасы кәсіпкерлерді ақпараттандыруға көмек көрсетуге бағытталған.

Тексеріс жарияланған жағдайда қосымша тіркелген ұялы телефонға «Сізге тексеріспен келеді» мәтінімен Puch-хабарландыру келетін болады.

Мобильді қосымшаны android үшін Play-market және ios үшін App Store жүктеуге болады, деп хабарлады Астана қаласының кәсіпкерлік және өнеркәсіп басқармасы.

Аталған қосымшада тексеруге қатысатын тұлғалар, тексерудің мерзімдері, кезеңі, құқықтық негіздемелері, тексеру заты туралы мәліметтер көрініс тапқан.

Кәсіпкерге тексеру басталғанға дейін және оның барысында бұзушылықтар туралы онлайн шағым жолдауға мүмкіндік берілген.

Кәсіпкерлердің құқықтарын қорғау және бұзушылықты уақытылы анықтау және оның жолын кесу, және тексеруді тағайындау туралы актілерді тіркеу мақсатында мемлекеттік органдар іске асыратын тексерулерді жүргізу тәртібін реттейтін нормативтік құқықтық актілерге қатаң сәйкестікте, мемлекеттік басқару жүйесінде және бақылау мен қадағалауды іске асыру бойынша өкілеттіктерді бөлу бойынша жүргізілген реформаны ескере отырып жүргізілетінін атап көрсету керек. 

Жол берілген бұзушылықтар туралы аталған хабарламалар бірден Оперативті әрекет ету Комитетінің аумақтық бөлімшелеріне түсетін болады. Сондай-ақ, қосымшада жиі қойылатын сұрақтар жазылған қосымша бет әзірленген, онда аталған сұрақтардың жауаптарын көруге болады. Аталған қосымшада "сұрақ-жауап" торы және чат қарастырылған, олар арқылы кәсіпкер онлайн режимде сұрақ қойып, оған бірден жауап беріледі.

Кез келген материалды Астана қаласының ресми сайтына белсенді гиперсілтеме болғанда ғана пайдалануға рұқсат етіледі http://astana.gov.kz.