Астана әкімдігі

АСТАНА ҚАЛАСЫ ӘКІМДІГІНІҢ РЕСМИ ИНТЕРНЕТ-РЕСУРСЫ

10.08.2018, 12:35 Жаңалықтар / Сауда және қызмет көрсету
«1000 орын – көше саудасы» бағдарламасы бір жарым мыңнан астам тұрғындарды жұмыспен қамтыды

Жобаның шеңберінде 630 кәсіпкер өзінің бизнесін заңдастырып алды, деп хабарлайды елорда әкімдігінің ресми сайты ӘКК баспасөз қызметіне сілтеме жасап.

ӘКК жобасы 2015 жылдан іске асырылып келеді. Бір жыл ішінде бағдарламаны жүзеге асыруға 1200-ден астам кәсіпкер қатысып, 1500-ден астам жұмыс орны құрылды, бұл дегенің бірнеше ірі зауыттарды іске қосқанмен тең.

Субъектілер арасында жер учаскесі конкурс арқылы бөлінді. Ұсынылған учаскелердің ішінде 231-і – жеміс-жидектерге, 205 – фаст-фудтарға, 75 – тағам, 50 – гүлдерге, 30 – мобильді техникалық сервиске, 11 – газет дүңгіршегіне, 2 – тұрмыстық қызмет сервисіне, 2- балалар серуеніне, 2 – кәдесый өнімдеріне берілді.

Айта кетейік, аталмыш жоба шағын және орта кәсіпкерлікті дамытып, көп жағдайда отбасылық бизнесті ұйымдастырудың себепкері болып, жұмыссыз халықты өзін өзі қамтамасыз етуге үйретуде.

Бұдан басқа, қоғамдық аукцион өткізу процедурасын іске асыру шеңберінде блокчейн жүйесі бойынша аукцион өткізу үшін электронды плтаформа жасаудың жұмыстары басталып кетті. Сонымен қатар, қазіргі таңда QR-код пен әзірлеу бойынша жұмыстар жүргізілуде. 

«ӘКК «Astana» ҰК АҚ конкурсты өткізу және өтініш беру мәселесі бойынша хабарласу үшін байланысы: 8 (7172) 61-35-54. Өтініштер тек шағын және орта кәсіпкерлік субъектілерінен қабылданады. 

Кез келген материалды Астана қаласының ресми сайтына белсенді гиперсілтеме болғанда ғана пайдалануға рұқсат етіледі http://astana.gov.kz.