Кезінде мүлдем жол салынбаған қаланың шет аймақтары қалай өзгеруде

Қаланы дамыту бағдарламасын іске асыру шеңберінде Астана әкімі Ә. Исекешевтің тапсырмасы бойынша «Көктал – 1», «Көктал - 2» және «Агроқалашық» тұрғын алаптарында салу, жөндеу жұмыстары мен 30 км жол салынуда. Жыл соңына дейін Сарыарқа ауданының шет аймағында жаңа жолдар, тротуарлар, аула алаңдары мен нөсер кәріздері салынады, деп хабарлайды елорда әкімдігінің ресми сайты.

Герцен, Қарталы, Қарасай батыр көшелеріндегі ескі үйлер сүріліп тасталынды. Оның айналасын жауаптылар осы күзге дейін аяқтауға уәде беріп отыр.

«Мен Агроқалашықта Радлов көшесіндегі жекеменшік үйде 2011 жылдан бері тұрамын. Үй екі көшенің ортасында тұр. Бұрын лай, шалшықпен жүретінбіз. Қазір үйдің екі жағына да бұрын ешқашан болмаған жолдар салынды», - деді мөлтекауданның тұрғыны Мадина. Сонымен қатар, Н. Тілендиев даңғылы бойында да екі аула көркейтілді.

Осы күзде № 68 мектептің оқушылары үшін білім ошағына баратын жолдар өте ыңғайлы болмақ. Онда мыңнан астам оқушы білім алады. Оқу ғимаратының айналасына тротуарлар салынады.

«Қазіргі таңда нөсер бойынша және орталық кәріз жұмыстары аяқталды – яғни 16,8 км бітіп, 2,1 км қалды. Орталық су құбыры 100 пайыз жүргізілді. Өзіңіз көріп тұрғандай қазір Ұлытау көшесі бойынша жол жөндеу жұмыстары мен нөсер кәрізі жасалынып жатыр», - деді инспектор.

«Көктал-2» ТА биыл абаттандыру бойынша рекорд орнатты. Жыл соңына дейін ұзындығы 18,9 км 41 көше салынып, жөндеуден өткізілуде. Бұдан бөлек, жолдарды жөндеуден басқа нөсер кәрізін монтаждау жұмыстары да жасалуда.

«Біз жолдарды бұрын мүлдем салынбаған жерлерге жүргіздік. Одан басқа, тұрғын алабында Алмалық, Ардагерлер және Шұғыла көшелерінде аялдайтын арнайы жер құрылысы салынып жатыр. Ал жабық типтес павильондар Ақан Сері көшесінде орналасқан», - деді Сарыарқа ауданы әкімдігінің бас инспекторы Самат Топатаев.

«Көктал-1» ТА. Шаң мен батпақтан көз ашпайтын биыл ол жерге жаңа жолдар салынды. Мұнда жалпы ұзындығы – 3,9 км 9 көшенің жолдарына жөндеу жүргізіліп жатыр. Атап айтқанда, Ақтолқын, Ж. Ақпаев, Құлтума, Байқоңыр және басқасы.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz