18668

Нұр-Сұлтан қаласында шектеу және карантин шаралары туралы ҚАУЛЫ 20 қараша 2020 жылғы

№ исх: ПГСВ-248   от: 20.11.2020

20 қараша  2020 жылғы                                                    Нұр-Сұлтан қаласы

 Мен, Нұр-Сұлтан  қаласының  Бас  мемлекеттік   санитарлық   дәрігері  Ж. Қ. Пралиева "Халық денсаулығы және денсаулық сақтау жүйесі туралы" Қазақстан Республикасы Кодексінің 9, 36, 102, 104, 107 баптарына, «Пайда болу және таралу қаупі төнген кезде шектеу іс-шаралары, оның ішінде карантин енгізілетін инфекциялық аурулар тізбесін бекіту туралы» Қазақстан Республикасы Ұлттық экономика министрінің 2015 жылғы 25 ақпандағы № 130 бұйрығына, «Қазақстан Республикасының аумағында шектеу іс-шараларын, оның ішінде карантинді жүзеге асыру қағидаларын бекіту туралы» Қазақстан Республикасы Ұлттық экономика министрінің 2015 жылғы 20 наурыздағы № 239 бұйрығына, Қазақстан Республикасы Бас мемлекеттік санитариялық дәрігерінің 2020 жылғы 23 қыркүйектегі № 57 қаулысына, Қазақстан Республикасы Бас мемлекеттік санитариялық дәрігерінің 2020 жылғы 23 қыркүйектегі № 58 қаулысына, Қазақстан Республикасы Бас мемлекеттік санитариялық дәрігерінің 2020 жылғы 02 қарашасындағы № 62 қаулысына сәйкес, Нұр-Сұлтан қаласының тұрғындары арасында коронавирустық инфекциямен сырқаттану жағдайларының тіркелуінің жалғасуын ескере отырып, коронавирустық инфекцияның таралуын болдырмау мақсатында ҚАУЛЫ ЕТЕМІН:

  1. Нұр-Сұлтан қаласының тұрғындарына келесі талаптарды сақтау жалғастырылсын:

1.1. ойын-сауық, спорттық және басқа да бұқаралық іс-шараларды, сондай-ақ отбасылық, еске алу іс-шараларын (банкеттер, үйлену тойлары, мерейтойлар, еске алу), оның ішінде үйде өткізуге, митингілер, шерулер, жиындар және т. б. өткізуге тыйым салу;

1.2. әлеуметтік қашықтықты міндетті түрде 2 метрден кем емес сақтай отырып, жеке тәртіппен және 5 адамнан аспайтын топпен тек ашық ауада спорттық жаттығулар өткізу;

1.3. 3 адамнан аспайтын топтардан немесе бір отбасы мүшелерінен басқа, табиғатқа экскурсиялық, корпоративтік, топтық шығуларды ұйымдастыруға және қаланың көрікті жерлеріне шолу жасауға тыйым салу;

1.4. қызметі қайта басталмаған объектілерге: бильярд, караоке, боулинг орталықтары, компьютерлік және ойын клубтары, түнгі клубтар, жабық ғимараттардағы балалар ойын алаңдары мен аттракциондары, батуттар, караоке, букмекерлік кеңселер мен лотереялар ұтыс ойыны және т. б. баруға тыйым салу;

1.5. 65 жастан асқан адамдардың қала және қоғамдық орындар бойынша жүріп-тұруына шектеу;

1.6. міндетті түрде бетперде киіп және кемінде 2 метр әлеуметтік қашықтықты сақтай отырып, аулаларда серуендеуге және саябақтарға, алаңдарға, скверлерге, жағалауларға 3 адамнан аспайтын топтармен немесе бір отбасы мүшелерімен баруға рұқсат;

1.7. қоғамдық орындарға, оның ішінде қалалық қоғамдық көліктерге және қызметі рұқсат етілген объектілерге барған кезде, көшеде жүру кезінде (5 жасқа дейінгі балаларды қоспағанда және ашық ауада спортпен шұғылдану кезінде) бетперде кию, қашықтықты сақтау және антисептиктерді пайдалану жөніндегі талаптарды қатаң сақтау қажет.

  1. Нұр-Сұлтан қаласының әкімдігіне, Нұр-Сұлтан қаласының кәсіпкерлер палатасына (келісім бойынша), Нұр-Сұлтан қаласының санитариялық-эпидемиологиялық бақылау департаментінің аумақтық басқармаларының басшыларына:

2.1. InfoKazakhstan.kz сайтынан электрондық форматта берілетін санитариялық нормаларға сәйкестік актісі негізінде объектілердің қызметін қайта бастау;

2.2. қоғамдық мониторинг мүмкіндігі үшін санитариялық нормаларға сәйкестік актісін объектіге кіре берісте көрінетін жерге орналастыру;

2.3. объектілерді пайдалануға қойылатын санитарлық-эпидемиологиялық талаптармен танысу бойынша InfoKazakhstan.kz сайтының жұмысы туралы халықты, жеке және заңды тұлғаларды ақпараттандыру;

2.4. кәсіпкерлердің бұзушылықтарды жою бойынша уақтылы шаралар қабылдауы мақсатында карантиндік режимді бұзу туралы шағымдар мен фактілерді орналастыру үшін InfoKazakhstan.kz веб-сайтын пайдалану;

2.5. InfoKazakhstan.kz сайтта шектеу іс-шараларын, оның ішінде карантинді енгізу кезеңінде объектілердің жұмысына қойылатын санитариялық-эпидемиологиялық талаптардың сақталуына кәсіпкерлік субъектілерін тексеруді жүзеге асыратын инспекторлардың, аудиторлық ұйымдардың тізімін орналастыру;

2.6. InfoKazakhstan.kz сайтына кәсіпкерлік субъектісінің объектінің паспортына келушілердің үй-жайларды жоспарлы толтыруы туралы мәліметтерді енгізуі (осы қаулының қосымшаларында және № 57 БМСДҚ-да анықталған шектеу іс-шараларын, оның ішінде карантинді енгізу кезеңінде объектілердің қызметіне қойылатын талаптарға сәйкес 1 адамға арналған белгіленген аумақты ескере отырып анықталады және енгізіледі.).

  1. Нұр-Сұлтан қаласының әкімдігіне, Көлік және жол-көлік инфрақұрылымын дамыту басқармасына, Инвестициялар және кәсіпкерлікті дамыту басқармасына, Қоғамдық денсаулық сақтау басқармасына, Білім беру басқармасына, Діни істер басқармасына, Нұр-Сұлтан қаласының дене шынықтыру және спорт басқармасына, "City Transportation Systems" ЖШС, мемлекеттік органдар, ұйымдар, кәсіпорындар, кәсіпкерлік субъектілері қамтамасыз етсін:

3.1. меншік нысанына және жұмыс істейтіндердің штаттық санына қарамастан барлық ұйымдар, кәсіпорындар қызметкерлерінің кемінде 70% қашықтықтан жұмыс істеу түріне көшу;

3.2. сауда объектілерінде, қызмет көрсету саласындағы объектілерде, қоғамдық көлікте және адамдар көп жиналуы мүмкін орындарда дезинфекциялық іс-шаралар жүргізу;

3.3. қалалық қоғамдық көліктің жұмысы (қарбалас сағаттарда автобустар санының ұлғаюымен, соңғы аялдамада дезинфекциялау құралдарымен өңдеу, барлық есіктерді ашу, жолаушыларға қолжетімді орындарда тері антисептигі бар санитайзерлер орнату, әлеуметтік қашықтықты міндетті түрде сақтай отырып және жолаушылар мен жүргізушілердің бетперделерін киіп жүру) жұмыс күндері және сенбі күндері жұмыс кестесі сағат 6:00-ден 23:00-ге дейін және жексенбі күндері жұмыстарына тыйым салу;

3.4. қалааралық облысішілік автобус, шағын автобус тасымалдарының жұмысын ұйымдастыру;

3.5. діни бірлестіктер объектілерінің жұмысын (мешіттер, шіркеулер, соборлар, синагогалар және т. б.) жұмыс күндері және демалыс күндері бір келушіге 30%-дан аспайтын және кемінде 5м2 толтырылуын қамтамасыз ете отырып, бұқаралық іс-шаралар (жұма намазы, діни жоралар және т. б.) өткізуге және оларда орналасқан қоғамдық тамақтандыру объектілерінің жұмысына тыйым сала отырып, күшейтілген санитариялық-эпидемияға қарсы, санитариялық-профилактикалық іс-шараларды сақтаумен ұйымдастыру;

3.6. кеңестерді, отырыстарды күндізгі режимде өткізуге тек оларды қашықтықтан өткізу мүмкіндігінің болмауы негізделген жағдайда № 58 ҚР БМСДҚ-ң қосымшасына сәйкес алгоритмді сақтай отырып рұқсат беріледі;

3.7. ХҚКО жұмысын қатаң түрде Egov.kz, Telegram-бот EgovKZBot 2.0-мен алдын ала брондау арқылы күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс күндері жұмыс кестесін сағат 09:00-ден 20:00-ге дейін белгілей отырып және сенбі күні сағат 9:00-ден 18:00-ге дейін ұйымдастыру. Құжаттандыру бөлімі:  жұмыс күндері сағат 09:00-ден 18:30-ға дейін және сенбі күні сағат 9:00-ден 14: 00-ге дейін. Мамандандырылған бөлім: жұмыс күндері және сенбі күндері сағат 09:00-ден 18:00-ге дейін құжаттарды қабылдау, дайын құжаттарды түскі үзіліссіз сағат 09:00-ден 20:00-ге дейін беру;

3.8. «Қазпочта» АҚ-ның жұмысын онлайн режимінде көрсетілмейтін қызметтер бөлігінде күшейтілген санитариялық-эпидемияға қарсы, санитариялық-профилактикалық іс-шараларды сақтай отырып және штаттық режимде жұмыс кестесін белгілей отырып ұйымдастыру;

3.9. 5 адамнан аспайтын денсаулық мектептеріне баруды ұйымдастыра отырып, күшейтілген санитариялық-эпидемияға қарсы, санитариялық-профилактикалық іс-шараларды сақтаумен алғашқы медициналық-санитариялық көмек көрсететін денсаулық сақтау объектілерінің штаттық режимде жұмысын ұйымдастыру;

3.10. жеке медициналық орталықтардың, стоматологиялардың жұмысын алдын ала жазылу бойынша күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс және демалыс күндері сағат 8:00-ден 20:00-ге дейін жұмыс кестесін белгілей отырып ұйымдастыру;

3.11. «Білім беру объектілеріне қойылатын санитарлық-эпидемиологиялық талаптар» санитарлық қағидаларын бекіту туралы» Қазақстан Республикасы Денсаулық сақтау министрінің 2017 жылғы 16 тамыздағы No 611 бұйрығына өзгерістер енгізу туралы Қазақстан Республикасы Денсаулық сақтау министрінің 2020 жылғы 28 тамыздағы ҚР ДСM-98/2020 бұйрығының 10 тарауына сәйкес қатаң түрде ата-аналардың өтініші бойынша, әр сыныпта 15 балаға дейін жинақтаумен жұмыс істеуге рұқсат етілетін жалпы білім беретін мектептердің 1-5 сынып оқушылары және Халықаралық мектептердің 1-7 сынып оқушылары үшін кезекші сыныптарын қоспағанда, ағымдағы оқу жылында меншік нысанына қарамастан  білім беру объектілерінің жұмысын онлайн-оқыту режимінде ұйымдастыру, мектепке баратын балалар немесе қызметкерлер арасында COVID-19 ауруының бір жағдайы тіркелген кезде инкубациялық кезең аяқталғанға дейін мектептердің карантинге жабылуын қамтамасыз ету;

3.12. меншік нысанына қарамастан мектепке дейінгі ұйымдарда кезекші топтардың жұмысын әр топта 15 баладан аспайтын толтырумен, санитариялық-эпидемияға қарсы, санитариялық-профилактикалық, карантиндік шараларды қатаң сақтаумен  жұмыс күндері сағат 07:30-дан 18:30-ға дейін жұмыс кестесін белгілеу және демалыс пен мереке күндері жұмысқа тыйым сала отырып ұйымдастыру;

3.13. білім беру орталықтарының, балалар мен ересектерге арналған үйірмелердің, балалар даму орталықтарының (алдын ала жазылу бойынша, 10 адамға дейінгі топтармен) жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс күндері сағат 9:00-ден 18:00-ге дейін жұмыс кестесін белгілей отырып және демалыс күндері жұмысқа тыйым сала отырып ұйымдастыру;

3.14. арнайы, мамандандырылған ұйымдардың, ерекше білім берілуіне қажеттілігі бар балаларға арналған арнайы мектеп-интернаттардың (оның ішінде ата-анасының қамқорлығынсыз қалған жетім балаларға арналған), жалпы үлгідегі мектеп-интернаттардың, дарынды балаларға арналған мектеп-интернаттардың жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып ұйымдастыру;

3.15. балалар мен ересектерге арналған түзету кабинеттерінің жұмысын (алдын ала жазылу бойынша, 15 адамнан артық емес) күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс және демалыс күндері жұмыс кестесін сағат 9:00-ден 20:00-ге дейін белгілей отырып ұйымдастыру;

3.16. Қазақстан Республикасы Ұлттық Банкінің және Қазақстан Республикасы Қаржы нарығын реттеу және дамыту агенттігінің актісіне сәйкес уақыты мен саны бойынша шектей отырып, қаржы нарығы субъектілерінің(екінші деңгейдегі банктер, айырбастау пункттері, ипотекалық ұйымдар, сақтандыру (қайта сақтандыру) ұйымдары, сақтандыру брокерлері, бағалы қағаздар нарығында брокерлік қызметті жүзеге асыратын ұйымдар, микроқаржы ұйымдары, кредиттік серіктестіктер, ломбардтар, төлем ұйымдары, коллекторлық агенттіктер) қызметіне рұқсат беру;

3.17. бизнес-орталықтардың, іскерлік үйлердің, сондай-ақ оларда орналасқан адвокаттардың, нотариустың, бухгалтер мен консалтингтің қызметін көрсету объектілерінің, жылжымайтын мүлік жөніндегі агенттіктің, жарнама агенттіктерінің, сот орындаушыларының, туроператорлардың, азық-түлік емес тауарлар мен заттарды өткізу жөніндегі бутиктердің (бөлімдердің) жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтаумен жұмыс және сенбі күндері жұмыс кестесін сағат 9:00-ден 20:00-ге дейін белгілей отырып, оларда орналасқан азық-түлік емес тауарлар мен заттарды сату жөніндегі бутиктердің (бөлімдердің) жұмысын жексенбі күндері тыйым салумен ұйымдастыру. Карантиндік және шектеу шараларын бұзу фактісі анықталған кезде сенбі  және жексенбі күндері жұмысына тыйым салуды қамтамасыз ету;

3.18. халықтың тұруы бойынша қызметтер көрсету саласындағы туризм объектілері мен ұйымдардың (қонақ үйлер, қонақ үйлер, демалыс үйлері, туристік базалар және т. б.) жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып 50% толтырылуы есебімен ұйымдастыру;

3.19. сауда-ойын-сауық орталықтарының, сауда үйлерінің, сауда орталықтарының жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, бір келушіге 4 м2 есебінен толтырылуын 30% -дан аспайтындай етумен, рекреация аймақтарында және демалыс аралдарында сатып алушылардың болуына тыйым салумен, жұмыс кестесі жұмыс күндері сағат 10:00-ден 23:00-ге дейін және сенбі күндері сағат 10:00-ден 20:00-ге дейін белгіленіп, жексенбі және мереке күндері жұмыстарына (оларда орналасқан дәріханалар мен тамақ өнімдерін сататын шағын маркеттерді, супермаркеттерді және гипермаркеттерді қоспағанда) тыйым салумен ұйымдастыру. Бұл ретте көрсетілген объектілерде және олардың аумақтарында орналасқан аттракциондардың, балалардың ойын алаңдарының, ойын орталықтарының, кинотеатрлардың, фудкорттардың жұмысына қатаң тыйым салынады. Карантиндік және шектеу шараларын бұзу фактісі анықталған кезде сенбі күндері жұмысына тыйым салуды қамтамасыз ету;

3.20. "Ailand" отбасылық демалыс орталығының жұмысын, атап айтқанда "Джунгли" аниматроникстер театры мен Океанариумның жұмыс істеуі галереялар типі бойынша жұмысты қамтамасыз ете отырып, әр аймаққа 10-нан артық емес келушілерге бір уақытта бару, театрлық қойылымдар өткізуге тыйым салу, сондай-ақ "Хан Шатыр" СОО-да орналасқан "SkyBeachClub" жағажай клубының су аттракциондарынсыз бассейндердің жұмыс істеуіне қатысты, су аттракциондары жоқ бассейндер, су аттракциондары жоқ бассейндердің жұмыс істеуі бөлігінде жобалық қуаттың 50% -ынан аспайтын, бір адамға 4 м2 санитарлық-эпидемияға қарсы күшейтілген шараларды сақтай отырып, санитарлық-профилактикалық іс-шаралар жүргізу және жұмыс күндері штаттық режимде жұмыс кестесін белгілеу, демалыс және мереке күндері жұмыс істеуге тыйым салумен ұйымдастыру;

3.21. ашық ауада аттракциондардың жұмысын санкцияланбаған және тыйым салынған аттракциондарды қоспағанда, күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс және демалыс күндері жұмыс кестесін сағат 10:00-ден 22:00-ге дейін белгілей отырып ұйымдастыру;

3.22. қоғамдық тамақтану объектілерінің жұмысын (мейрамханалар, дәмханалар, барлар, асханалар) орналасқан жеріне қарамастан, ғимараттардың ішінде және жазғы алаңда 30-дан аспайтын отыратын орынның толуы бойынша шарттарды сақтай отырып, көрші үстелдердің шеткі орындары арасында кемінде 2 метр әлеуметтік қашықтықты және бір үстелде 4-6 адамнан аспайтын отыруды сақтай отырып, күшейтілген санитариялық-эпидемияға қарсы, санитариялық-профилактикалық іс-шараларды сақтаумен, жұмыс, және демалыс күндері жұмыс кестесін сағат 7:00-ден 22:00-ге дейін белгілей отырып, осы Қаулыда белгіленген жұмыс уақыты аяқталғаннан кейін келушілердің тамақтану залында болуына тыйым салумен, авто-экспресстің және тамақты жеткізудің жұмысын штаттық режимде ұйымдастыру. Бұл ретте ұжымдық, салтанатты, отбасылық, еске алу (банкеттер, үйлену тойлары, мерейтойлар, еске алу) және басқа да бұқаралық іс-шараларды өткізуге қатаң тыйым салынады; Карантиндік және шектеу шараларын бұзу фактісі анықталған кезде демалыс күндері жұмысына тыйым салуды қамтамасыз ету;

3.23. жабық азық-түлік және азық-түлік емес базарлардың жұмысын санитариялық-эпидемияға қарсы, санитариялық-профилактикалық іс-шараларды күшейте отырып, бір келушіге 4 м2 есебінен жобалық қуаттың 30% - нан аспайтын толымдылығын сақтаумен, жұмыс және сенбі күндері сағат 10:00-ден 20:00-ге дейін жұмыс кестесін белгілей отырып, жексенбі күндері жұмысқа тыйым салумен ұйымдастыру; Карантиндік және шектеу шараларын бұзу фактісі анықталған кезде сенбі күндері жұмысқа тыйым салуды қамтамасыз ету;

3.24. азық-түлік және азық-түлік емес базарлардың (ашық ауада) жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып,  жұмыс және демалыс күндері сағат 10:00-ден 17:00-ге дейін жұмыс кестесін белгілей отырып ұйымдастыру;

3.25. "демалыс күні" ауыл шаруашылығы, мектеп және азық-түлік (ашық ауада) жәрмеңкелерінің жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс кестесін тек демалыс күндері сағат 9:00-ден 19:00-ге дейін белгілей отырып ұйымдастыру;

3.26. Азық-түлік және азық-түлік емес тауарлардың барлық түрлерін өткізу бойынша дүкендердің жұмысын бір сатып алушыға 4 м2 есебінен жобалық қуаттың 30% - нан аспайтын толымдылығын сақтаумен, күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс және демалыс күндері сағат 8:00-ден 23:00-ге дейін жұмыс кестесін белгілеумен ұйымдастыру;

3.27. тамақ өнімдерімен көше саудасының санкцияланған түрлерінің (оның ішінде тез тамақ өнімдерін, пончиктерді, балмұздақтарды, алып шығуға арналған кофелерді, көкөніс шатырларын және т. б. сататын объектілердің) жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, жұмыс және демалыс күндері сағат 10:00-ден 23:00-ге дейін жұмыс кестесін белгілей отырып ұйымдастыру;

3.28. күшейтілген санитариялық-эпидемияға қарсы, санитариялық-профилактикалық іс-шараларды сақтай отырып және штаттық режимде жұмыс кестесін белгілей отырып, гүлдерді сату бойынша объектілердің жұмысын ұйымдастыру;

3.29. жабық спорттық ғимараттардың (спорт кешендері, спорт мектептері, спорт клубтары, жаттығу залдары) жұмысын меншік нысанына қарамастан  күшейтілген санитарлық және эпидемияға қарсы, санитарлық-профилактикалық іс-шаралар мен талаптарын сақтай отырып, көрерменсіз, 5 адамнан аспайтын жеке және топтық жаттығулар үшін, жұмыс кестесін жұмыс күндері және демалыс күндері сағат 7.00-ден 22.00-ге дейін ұйымдастыру;

3.30.Ұлттық құрамалар, клуб командалары үшін спорттық жаттығуларды (30 адамнан аспайтын, жанаспайтын термометрия, спорт базаларында орналастырумен) күшейтілген санитарлық-эпидемияға қарсы, санитарлық-профилактикалық шараларды сақтай отырып ұйымдастыру;

3.31. бассейні бар фитнес-орталықтардың, фитнес-клубтардың, спорттық-сауықтыру кешендерінің жұмысын (бір келушіге 4 м2 есебімен, жалпы келу коэффициентін 50% -дан аспайтын және бір адамға су айнасының 5 м2-ден кем болмайтындай етіп), қатаң түрде алдын-ала жазылу бойынша, күшейтілген санитарлық - эпидемияға қарсы, санитарлық-профилактикалық шараларды сақтай отырып және жұмыс кестесін жұмыс күндері мен демалыс күндері сағат 07:00-ден 23:00-ге дейін құрумен және қызметтердің басқа түрлері бойынша (моншалар, сауналар, СПА, массаж және т. б.) жұмыс істеуге тыйым салумен ұйымдастыру;

3.32 жабық бассейндердің жұмысын қатаң түрде алдын-ала жазылу бойынша, күшейтілген санитарлық-эпидемияға қарсы, санитарлық-профилактикалық шараларды сақтай отырып, , бір уақытта бір жолақта бір келуші болумен, егер жолақ қарастырылмаған жағдайда бір келушіге 4 м2 бөлуді қамтамасыз ете отырып жұмыс кестесін жұмыс және демалыс күндері таңғы 7:00-ден 22:00-ге дейін белгілеп ұйымдастыру;

3.33. бассейндерді іске қоса отырып (бір келушіге 4 м2 есебімен, бір мезгілде келушілердің жобалық сыйымдылығынан 30% - дан аспайтын қатысуымен) монша, сауна жұмыстарын күшейтілген санитариялық-эпидемияға қарсы, санитариялық-профилактикалық іс-шараларды сақтай отырып (алдын ала жазылу бойынша) жұмыс және демалыс күндері сағат 8:00-ден 21:00-ге дейін жұмыс кестесін белгілей отырып, және қызметтердің басқа түрлері бойынша (СПА, массаж және т. б.) жұмыс істеуге тыйым салумен ұйымдастыру;

3.34. СПА-орталықтардың, СПА-салондардың жұмысын бір келушіге 5 м2 кем емес және 50%-дан артық емес толтырылуын қамтамасыз етумен бассейндерді жұмылдыра отырып (қатаң түрде алдын ала жазылу бойынша), сондай-ақ бір мезгілде 3 келушіден артық емес массаж салонына барумен массаж орталықтары мен кабинеттердің жұмысын (қатаң түрде алдын ала жазылу бойынша), күшейтілген санитарлық-эпидемияға қарсы, санитарлық-профилактикалық іс-шараларды сақтай отырып жұмыс және демалыс күндері сағат 08:00-ден 22:00-ге дейін жұмыс кестесін белгілей отырып, ұйымдастыру;

3.35. косметикалық және косметологиялық қызметтер, маникюр және педикюр қызметтерін көрсететін сұлулық салондарының, шаштараздардың, орталықтар мен салондардың жұмысын күшейтілген санитарлық-эпидемияға қарсы, санитарлық-профилактикалық іс-шараларды сақтай отырып (қатаң түрде 1 келушіге 4 м2 есебінен), жұмыс кестесін жұмыс және демалыс күндері сағат 8.00-ден 22.00-ге дейін белгілеп  ұйымдастыру;

3.36. Орналасқан жеріне қарамастан автокөлік жуу, автокөлік және тұрмыстық техниканы жөндеу бойынша қызметтер көрсету, шина жөндеу станциялары кәсіпкерлік субъектілерінің жұмысын күшейтілген санитарлық-эпидемияға қарсы, санитарлық-профилактикалық іс-шараларды сақтай отырып, штаттық режимде жұмыс кестесін белгілей отырып, ұйымдастыру;

3.37. өндірістік кәсіпорындарының барлық қызмет түрлерінің жұмысын күшейтілген санитарлық-эпидемияға қарсы, санитарлық-профилактикалық іс-шараларды сақтай отырып, жеке жұмыс режимі белгіленген үздіксіз өндірістік циклі бар объектілерді қоспағанда, жұмыс және демалыс күндері сағат 8:00-ден 21:00-ге дейін жұмыс кестесін белгілей отырып ұйымдастыру;

3.38. Орналасқан жеріне қарамастан топтасуды, сондай-ақ ұзақ және тығыз байланысты болдырмайтын халыққа қызмет көрсету объектілерінің (типография қызметін көрсету обьектілері, тігін ательелері, аяқ киім шеберханалары, аяқ киімді, киімді жөндеу қызметі) жұмысын күшейтілген санитарлық-эпидемияға қарсы, санитарлық-профилактикалық іс-шараларды сақтай отырып жұмыс кестесін штаттық режимде белгілей отырып ұйымдастыру;

3.39. Орналасқан жеріне қарамастан қызмет көрсету саласындағы объектілерінің жұмысын (химиялық тазалағыштар, кір жуатын орындар, кеңсе жабдықтарын жөндеу (алдын-ала жазумен) күшейтілген санитарлық-эпидемияға қарсы, санитарлық-профилактикалық іс-шараларды сақтай отырып жұмыс кестесін штаттық режимде белгілей отырып ұйымдастыру;

3.40. жерлеу қызметін көрсету объектілерінің жұмысын күшейтілген санитарлық-эпидемияға қарсы, санитарлық-профилактикалық іс-шараларды сақтай отырып, жұмыс кестесінде шектеулер белгілемей, ұйымдастыру;

3.41. мәдениет объектілерінің (толымдылығы 50% -дан аспайтын, бірақ 50 адамнан аспайтын театрларға бара отырып, 30 адамнан аспайтын жеке, топтық дайындықтар) кітапханалардың, мұражайлардың, галереялардың, көрмелердің жұмысын күшейтілген санитариялық-эпидемияға қарсы, санитариялық-профилактикалық іс-шараларды сақтаумен және штаттық жұмыс режимін белгілей отырып 65 жастан асқан көрермендердің келуін шектеумен  ұйымдастыру; 

3.42  Автожанармай құю кешендерінде/станцияларында ілеспе азық-түлік емес (майлар, шыныға арналған жуғыштар және т. б.) және азық-түлік тауарларын (алкогольсіз сусындар және зауыттық қаптамадағы дайын дара бұйымдар) өткізу бойынша дүкендердің жұмысын бір сатып алушыға 4 м2 есебінен жобалық қуаттың 30% - нан аспайтын толымдылығын сақтаумен күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, штаттық режимде жұмыс кестесін белгілей отырып ұйымдастыру;

3.43. объектілердің барлық түрлерінің жұмысын ұйымдастыруға "Қазақстан Республикасының халқы арасында коронавирустық инфекция ауруларының алдын алу жөніндегі шараларды одан әрі күшейту туралы" Қазақстан Республикасының Бас мемлекеттік санитариялық дәрігерінің 2020 жылғы 23 қазандағы № 57 Қаулысы қосымшаларының талаптары қатаң сақталған жағдайда жол беріледі;

3.44. ойын-сауық мекемелерінің (бильярд бөлмелері, караоке, боулинг орталықтары, компьютерлік клубтар, түнгі клубтар, кинотеатрлар, балалар ойын алаңдары мен жабық үй-жайлардағы аттракциондар, батуттар, букмекерлік кеңселер мен ойын клубтары, соның ішінде лотереялар және т.б.) жұмысына тыйым салу;

3.45. орналасқан жеріне қарамастан фуд-корттардың, банкет және гала-залдардың жұмысына тыйым салу;

3.46. қаладағы саябақтарда, жағалауларда, скверлерде балалар мен ересектерге арналған қозғалыс құралдарын (электромобильдер, педальды автомобиль, самокаттар, картингтер, пейнтбол, автодромдар, гироскутерлердің барлық түрлері және т. б.) жалға беруге тыйым салу;

3.47. ойын-сауық, спорттық және басқа да бұқаралық іс-шараларды, сондай-ақ форумдарды, конференцияларды, семинарларды, жиналыстарды, тыңдауларды және т. б. өткізуге тыйым салу.

3.48. спортшылардың Қазақстан Республикасынан тыс жерлерге оқу-жаттығу жиындары мен жарыстарға қатысуы үшін шығуына тыйым салу;

3.49. Нұр-сұлтан қаласында Қазақстан Республикасының чемпионаттарын және республикалық жарыстарды (бірыңғай республикалық күнтізбе бойынша) өткізуге тыйым салу.

  1. Нұр-Сұлтан қаласының полиция департаментіне осы қаулы талаптарының сақталуын бақылауды қамтамасыз етсін.
  2. Нұр-Сұлтан қаласының ішкі саясат басқармасына:

5.1. бұқаралық ақпарат құралдарында, әлеуметтік желілерде және мессенджерлерде қабылданатын шаралар туралы ақпараттық сүйемелдеу жүргізуді қамтамасыз ету, адам, қоғам және мемлекет қауіпсіздігін қамтамасыз етуге бағытталған қабылданатын шешімдердің маңыздылығы мен өмірлік қажеттілігін түсіндіру;

5.2. осы қаулы барлық мүдделі мемлекеттік органдардың, ұйымдардың, кәсіпкерлік субъектілерінің және қала тұрғындарының назарына жеткізілсін.

  1. Нұр-Сұлтан қаласы санитариялық-эпидемиологиялық бақылау Департаментінің аудандық Басқармалары, Нұр-Сұлтан қаласының полиция департаменті және Нұр-Сұлтан қаласының аудандық әкімдіктерімен бірлесіп, осы қаулының орындалуына күшейтілген бақылауды қамтамасыз етсін.
  2. Нұр-Сұлтан қаласының Бас мемлекеттік санитарлық дәрігерінің «Нұр-Сұлтан қаласында шектеу және карантин шаралары туралы» 2020 жылғы 24 қазанындағы № 245 қаулысының күші жойылды деп танылсын.
  3. 8. Нұр-Сұлтан қаласының Бас мемлекеттік санитарлық дәрігерінің «Нұр-Сұлтан қаласының Бас мемлекеттік санитарлық дәрігерінің Нұр-Сұлтан қаласында шектеу және карантин шаралары туралы» 2020 жылғы 24 қазанындағы № 245 қаулысына өзгеріс енгізу туралы» 2020 жылғы 30 қазанындағы № 246 қаулысының күші жойылды деп танылсын.
  4. Нұр-Сұлтан қаласының Бас мемлекеттік санитарлық дәрігерінің «Нұр-Сұлтан қаласының Бас мемлекеттік санитарлық дәрігерінің Нұр-Сұлтан қаласында шектеу және карантин шаралары туралы» 2020 жылғы 24 қазанындағы № 245 қаулысына өзгеріс енгізу туралы» 2020 жылғы 14 қарашасындағы № 247 қаулысының күші жойылды деп танылсын.
  5. Осы Қаулы 2020 жылдың 24 қарашасынан бастап күшіне енеді.

Нұр-Сұлтан қаласының

Бас мемлекеттік

санитарлық дәрігері                                                                 Ж. Пралиева

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109