2013 жылдың 7 айында шағын және орта бизнесте қызмет ететін астаналық кәсіпкерлердің саны 7,7% артып, 179 890 адамды құрады. Бұл туралы astana.kz сайтына қалалық Статистика департаментінен хабарлады. 

«Шағын және орта кәсіпкерлік субъектілерінің саны 5,6% ұлғайып, 48 270 құрады, соның ішінде 7 089-ы заңды тұлға, 41 177-сі жеке кәсіпкер, 4-уі шаруа қожалығы», - делінген ақпаратта.

Бұдан басқа, 2013 жылғы қаңтар-шілде айларында кәсіпкерлер шығаратын өнім өткен жылдың сәйкес мерзімімен салыстырғанда 1,5% өсті.

Еске салайық, қазіргі уақытта шағын және орта кәсіпкерліктің әлеуметтік рөлі зор және ол жұмыс орындарын көптеп ашады. Үстіміздегі жылдың 1 шілде жағдайында шағын және орта кәсіпкерлікпен айналысатындардың саны 6,7% артып, 179 690 адамды құрады.