14 қазанда «Рухани жаңғыру» бағдарламасын іске асыруда және астананың 20 жылдығын мерекелеуге байланысты қала тұрғындары мен қонақтары «Астана жастар» МКК ұйымдастырған «ASTANA CITY QUEST» еліктірерлік квест-ойынына қатыса алады, деп хабарлайды астана әкімдігінің ресми сайты.

«ASTANA CITY QUEST» қалалық квест форматы – белгілі бір жұмбақ жасырылған логикалық тапсырмаларды шешудің сериясын ұсынады. Ойыншыларға миссияны аяқтау үшін мобильді қосымша беріледі. Қатысушылар барлық мекенжайды тауып, сол орындарға барып, ойынды жалғастыру үшін кодты алуы керек. Жеңіп шығу үшін басқа командалардан бұрын барлық 10 тапсырмадан өтуі тиіс. Квест ойынға жалпы 25 команда қатысады.

Аталған шараның мақсаты – Астананың жастары арасында көрнекті және киелі орындарды танымал ету, астананың тарихымен, оның заманауи келбетімен таныстыру, денсаулық пен салауатты өмір салтын насихаттау, Астананың көрнекті орындары бойынша танымдық квест ойындарын құру.

Ойынның жалпы жүлде қоры 600 000 теңгені құрайды. Жеңімпаздар үш орынға бөлінеді. Үздік қатысушылар «Үздік ойыншы», «Үздік капитан» аталымы бойынша сыйлақтар алады.