5562

Міндетті медициналық сақтандыру: нені білу керек

Қазақстанда 2020 жылдың 1 қаңтарынан бастап міндетті медициналық сақтандыру жүйесі күшіне енеді. МӘМС жүйесіне қатысу үшін не істеу керек, азаматтардың сақтандыру бойынша медициналық көмекті қалай алуға болатынын елорда әкімдігі сайтының тілшісіне халықты ақпараттандыру және міндетті медициналық сақтандыру қорының өтініштерін қарау бөлімінің басшысы Данара Мусина айтып берді.

«Міндетті медициналық сақтандыру – бұл ӘМСҚ активтері есебінен медициналық қызметтерді тұтынушыларға медициналық көмек көрсетуге бағытталған қоғамдық, құқықтық, экономикалық шаралар кешені. Бізде қандай табыс болса да, барлығы белгілі бір пайызды төлейді. 2019 жылы астаналық жұмыс берушілер өз қаражаты есебінен жұмыскердің табысының 1,5% мөлшерінде медициналық сақтандыру жарнасын төлейтін болады. Сондай-ақ, төлем бойынша шектеу бар екенін ескеру қажет: егер азамат ең төменгі жалақыдан 10 есе артық жалақы алатын болса, ең төменгі жалақының 10 есе мөлшері бойынша ғана жарна төленеді», – деді ол.

Ал мемлекет 2020 жылдан бастап азаматтардың 13 санаты үшін жарна төлейтін болады. Олар – балалар, зейнеткерлер, соның ішінде Ұлы Отан соғысының қатысушылары мен мүгедектері, көпбалалы аналар, жұмыс істемейтін жүкті әйелдер, бала күтіміндегі аналар, мүгедек балаларды күтетін адамдар, тіркелген жұмыссыздар, интернат тәрбиеленушілері, студенттер, қамаудағы адамдар, жұмыс істемейтін оралмандар .

Маманның айтуынша, міндетті әлеуметтік медициналық сақтандыру аясында:

1) амбулаториялық-емханалық көмек (уәкілетті орган айқындайтын тізбе бойынша әлеуметтік маңызы бар аурулар, айналадағылар үшін қауіп төндіретін аурулар кезіндегі медициналық көмекті қоспағанда); бастапқы медициналық-санитарлық көмек; бастапқы медициналық-санитарлық көмек маманының және бейінді мамандардың жолдамасы бойынша консультациялық-диагностикалық көмек;

2) уәкілетті орган айқындайтын тізбе бойынша стационарлық көмек (әлеуметтік маңызы бар аурулар, айналасындағыларға қауіп төндіретін аурулар кезіндегі медициналық көмекті қоспағанда); медициналық-санитариялық алғашқы көмек маманының немесе медициналық ұйымның жолдамасы бойынша емдеуге жатқызу жағдайларының жоспарланған саны; шұғыл көрсеткіштер бойынша бастапқы медициналық-санитариялық көмек маманының немесе медициналық ұйымның жолдамасының болуына қарамастан;

3) бастапқы медициналық-санитариялық көмек маманының немесе медициналық ұйымның жолдамасы бойынша стационарды алмастыратын көмек (уәкілетті орган айқындайтын тізбе бойынша әлеуметтік маңызы бар аурулар, айналасындағыларға қауіп төндіретін аурулар кезіндегі медициналық көмекті қоспағанда).

«Бүгінгі таңда Нұр-Сұлтан қаласы бойынша ӘМСҚ-да медициналық ұйымдармен 128 келісімшарт жасалды. Бұл – медициналық көмек көрсету бойынша 93 өнім беруші. Оның 36-сы – мемлекеттік. Қалғандары жеке ұйымдар болып табылады. Бұл медициналық қызмет көрсету сапасы медициналық ұйымдар арасында бәсекеге қабілеттілікті арттыру есебінен көтерілетіндігін көрсетеді. Біз міндетті медициналық сақтандыру шеңберінде сіз тіркелген емхананы, қай ауруханада емделгіңіз келетін емхананы таңдай аласыз. Қандай да бір емханаға еркін бекіту ережесі міндетті түрде қалады», – деп түйіндеді ол.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109