9962

Тәуелсіздік күні қарсаңында Нұр-Сұлтан қаласының әкімдігінде мемлекеттік наградалар тапсырылды

Нұр-Сұлтан қаласының әкімі Алтай Көлгінов Мемлекет басшысының Жарлығына сәйкес Арыс қаласын қалпына келтіру жұмыстарына қатысқан денсаулық сақтау, білім, көлік, құрылыс саласындағы азаматтарды, қоғамдық ұйымдар мен астаналықтарды мемлекеттік наградалармен марапаттады. Алтай Көлгінов жиынға қатысушыларды Тәуелсіздік күнімен құттықтап, еліміздің, қаламыздың игілігі жолында атқарып жүрген әрі жауапты, әрі ізгі еңбектеріне алғысын білдірді.

«Біздің елордамыз – тәуелсіздігіміздің символы. Елбасымыз Нұрсұлтан Әбішұлы Назарбаевтың сарабдал саясатының арқасында елордамыз мемлекетіміздің әлеуметтік-экономикалық және саяси жетістіктерін айшықтайтын жарқын қалаға айналды.  ҚР Президенті Қасым-Жомарт Кемелұлы Тоқаев Тәуелсіздік жолын жетістіктермен жалғастырып, жұмыс атқаруымыз керектігін атап өтті. Қаламыздың, еліміздің дамуына әрбір азамат үлес қосып отыр. Елордамыз күні-түні тынбай қар тазалап, еңбек ететін коммуналдық қызметтердің, әрбір үйге жылу жетуі үшін еңбек ететін ЖЭО қызметкерлерінің, адам өмірі үшін әр сәт сайын күресетін дәрігерлердің арқасында өсіп-өркендеп, даму үстінде. Ұстаздар қауымы, құрылысшылар, электрик, сантехниктер, жүргізушілер әрбіріңіздің ерен еңбегіңіз жатыр. Біз сіздердің еңбектеріңізді бағалаймыз, құрметтейміз», - деді елорда әкімі А. Көлгінов.

«Құрмет» орденімен жоғары санатты дәрігер Қуатбек Ғабдуллин, еңбек ардагері Мұрат Иргибаев, химия ғылымдарының докторы Раушан Сармурзина марапатталды. Сумен жабдықтау қызметінің слесары Роберт Рамазанов ІІІ дәрежелі  «Еңбек Даңқы» орденін алды.

Арыс қаласын электрмен жабдықтауда қалпына келтіру, жөндеу жұмыстарына қатысқан  марқұм Ермек Тютюбековке «Ерлігі үшін» медалі  берілді. Ермек Тютюбеков 2019 жылы 8 тамызда Арыс-Шымкент трассасында  болған жол-көлік апаты салдарынан қайтыс болған еді.

Үстіміздегі жылдың наурыз айында қалада болған ірі жол-көлік оқиғасы кезінде зардап шеккендерге көмек көрсеткен 24 жасар Әлібек Бақдәулет Құрмет грамотасымен марапатталды. Өзі де қоғамдық көлікте жүргізуші болып жұмыс істейтін Әлібек сол күні жолаушылар сапында болған еді. «Игілікті іс жасау үшін жоғары қызметте отыру міндет емес, «әрбір адам - қоғам үшін пайдалы бола алады» дейді ол.

Сондай-ақ, «Парасат» орденімен, «Ерен еңбегі үшін», «Шапағат» төсбелгілерімен, алғыс хаттармен мұғалім, дәрігер, жүргізушілер, еңбек ардагерлері марапатталды.  Елорда тұрғындары мен қонақтары үшін Тәуелсіздік күніне орай мерекелік концерт ұйымдастырылды.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109