2558

Нұр-Сұлтанда мемлекет көмегімен тұрғын үй алудың үш жолы

Тұрғын үй заңнамасына сәйкес коммуналдық тұрғын үй қорынан пәтер мұқтаждар есебінде тұрған азаматтарға беріледі, деп хабарлайды елорда әкімдігінің ресми сайты.

Тұрғын үй мәселесі өзекті екенін ескере отырып, Үкімет мұқтаж азаматтарды пәтермен қамту бойынша шаралар қабылдауда. Мысалы, 2020-2025 жылдарға арналған «Нұрлы жер» тұрғын үй-коммуналдық шаруашылықты дамыту мемлекеттік бағдарламасы қабылданды. Оны жүзеге асыру аясында тұрғын үймен қамтамасыз етудің бірнеше бағыттары қарастырылған.

  1. Әлеуметтік жалға берілетін тұрғын үй.

Бұл бағыт шеңберінде тұрғын үй халықтың әлеуметтік осал топтарына және көп балалы отбасыларға кезек тәртібімен беріледі. Пәтерлер жалдау мерзімін ұзарту құқығын бере отырып, 5 жылға беріледі.

Сондай-ақ жұмысшы жастарға пәтер жалға беріледі (29 жасқа толмаған, Нұр-Сұлтанда кемінде екі жыл тіркеуде тұрған және ҚР бойынша соңғы екі жылда тұрғын үйі жоқ азаматтар).

Оларға тұрғын үй жалға беру мерзімін ұзарту құқығынсыз 5 жылға беріледі. Көрсетілген уақыт ішінде азаматтың кейіннен басқа жеке тұрғын үй сатып алу үшін бастапқы жарнаға қаржы жинау мүмкіндігі бар.

  1. ЖАО-да кезекте тұрған аз қамтамтылған отбасыларын ҚТҚЖБ арқылы несиелендіру (Бақытты отбасы).

Бұл бағытқа кезекте тұрған келесі санаттағы азаматтар қатыса алады:

- көп балалы отбасылар;

- толық емес отбасылар;

- мүгедек балаларды тәрбиелеп отырған отбасылар.

Осы бағыт шеңберінде аз қамтылған отбасыларды «Қазақстанның тұрғын үй құрылыс жинақ банкі» АҚ арқылы жылдық 2%, бастапқы жарна 10%-дан кем емес болған жағдайда 20 жылға дейінгі мерзімге несие беру көзделген.

Сонымен қатар әкімдікпен бастапқы жарнаның бір миллион теңге көлеміндегі бөлігін жабу үшін тұрғын үй сертификаттарын ұсыну қарастырылған.

  1. Әлеуметтік несиелік тұрғын үй.

Бұл бағытқа банк салымшылары болып табылатын әкімдік кезегінде тұрғандар қатыса алады. Осы бағыт шеңберінде ҚТҚЖБ қарыз сомасының кемінде 20% бастапқы жарна болған кезде 25 жылға дейінгі несие беру мерзімімен жылдық 5%-дан аспайтын мөлшерлеме бойынша қарыз береді.

Айта кетейік, Нұр-Сұлтанда бүгінгі таңда 46 480 адам кезекте тұр. Оның ішінде көп балалы отбасылар – 4 319; халықтың әлеуметтік жағынан осал топтары – 17 942, оның ішінде мүгедек балалары бар немесе оларды тәрбиелеп отырған отбасылар – 2 023; жетім балалар-2 692; мемлекеттік қызметшілер мен бюджеттік ұйымдар қызметкерлері – 21 436; жалғыз тұрғын үйі апатты деп танылған азаматтар – 91.

Заңға сәйкес халықтың әлеуметтік жағынан осал топтары (ҰОС қатысушылары мен мүгедектері; жетім балалар; көп балалы отбасылар; толық емес отбасылар; мүгедек балаларды тәрбиелеп отырған отбасылар; жасы бойынша зейнеткерлер; I және II топтағы мүгедектер; оралмандар және т.б.), мемлекеттік қызметшілер, бюджеттік ұйымдардың қызметкерлері, әскери қызметшілер және жалғыз тұрғын үйі апатты деп танылған адамдар кезекке тұра алады.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109