4226

Елордада су тасқынын болдырмау үшін қандай жұмыстар жүргізілуде?

Көшелерді су басудан сақтау үшін әкімдік нөсерлі канализацияны салу және коллекторларды тазарту бойынша жүйелі жұмыстар жүргізуде. Жауын-шашын кезінде құрылыстары қайта жасалып және жаңадан салынып жатқан учаскелерде суды соруға арнайы техника жұмылдырылған. Қала бойынша барлығы 140-тан астам техника жұмылдырылды. 20 текше метрден астам су сорылды.

«Қалада жауын-шашын жауған сәтте тез су басатын бірнеше көшелер бар. Мысалы, бүгін Иманов көшесін су басты, себебі «Молодежный» шағын ауданында (Тәшенов пен Амман көшелерінің қиылысы) жеткізуші коллекторларды қайта құрумен нөсерлік кәріздердің құрылысы әлі біте қойған жоқ. Құрылыс 2021 жылы толық аяқталады. Ол жерде бұрын батпақ болған, территорияны құрғатып, нөсер ағындарын жинайтын жабдық салудамыз.

«Молодежный» шағын ауданындағы жаңа құрылыстардың қуаты тәулігіне 42 мың текше метрден асады. Бұл тазалау құрылғылары Ташенов, Бараев, Уәлиханов, Иманбаев көшелері мен Республика даңғылын су басудан сақтайды», - деді «Elorda Eco System» ШЖҚ МКК бас директорының міндетін атқарушы Марсель Ұзақов.

Тазалау құрылысы жер астында орналасқандықтан, құрылыс алаңының үстінде абаттандыру, ШАФ-тар орнату және көгалдандырумен саябақ салу көзделген. Құрылысты 2021 жылға қарай аяқтау жоспарланып отыр.

Б.Момышұлы учаскесінде су басу мәселесі ағымдағы жылдың күзінде шешілетін болады. Бұл даңғылда нөсер кәрізінің магистралды коллекторының құрылысы жүргізілуде. Бұл нөсерлік кәріздердің ұзындығы 500 метрді құрайды. Дауылпаз көшесінен басталып, Елім-ай көшесіне дейін (Б.Момышұлы даңғылы өтеді) жалғасады.

Бұдан басқа, қалада коллекторлардың жалпы ұзындығы 354 км құрайды, олардың үштен бірінен астамы (134 км) тазалауды қажет етеді. Бітеліп қалған жүйелер жауын-шашын кезінде нөсерлі кәріздердің жұмысына әсер етеді.

Мысалы, Ташенов көшесі мен Абылайхан/Таха Хусейн даңғылындағы коллектор толығымен бітелген. Одан 2,5 мың тоннадан астам қоқыс шығарылды. Сонымен қатар өткізу қуатын арттыру үшін қосымша сақина орнатылған.

2019 жылы Мыңжылдық аллеясы ауданында екі учаске бойынша нөсерлі кәріз мәселесі шешілді.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109