3896

Елорда әкімі аулаларды абаттандыру барысы туралы айтты

Қазір келесі жылы абаттандырылатын аулалар мен қоғамдық кеңістіктер тізімі дайындалуда. Бұл туралы Нұр-Сұлтан қаласының әкімі Алтай Көлгінов Instagram-дағы парақшасында хабарлады.

«Елорданың келбетін қалыптастыруда, тұрғындардың уақытын жайлы өткізуде аулалардың, тынымбақтар мен гүлзарлар маңызды рөл атқарады. Карантиндік шаралар енгізілгеннен кейін абаттандырылған қоғамдық кеңістіктерге сұраныс арта түсті. Қала тұрғындары таза ауада серуендеуді бағалай бастады.

Өткен жылы біз бірінші кезекте абаттандыруды қажет ететін аулалардың тізімін жасадық. Олардың қатарына қараусыз қалған учаскелер, батпақ және бос қалған жерлер енгізілді. Басымдық оң жағалауға жасалды. Сондай-ақ, апатты үйлер сүрілген жерлерде, құрылыс жұмыстары қарқынды жүріп жатқан жерлерде шағын парктер пайда болды.

Абаттандыру бойынша ауқымды жұмыстарға биылғы көктемнен бастап кірістік. Осылайша, биыл Байқоңыр ауданында 50 аула, Сарыарқада – 40, Алматыда – 33, Есіл ауданында 20 аула абаттандырылды. Сонымен бірге 50 қоғамдық кеңістікті абаттандырамыз. Мысалы, осы жазда көпір астындағы демалыс орны алғаш рет абаттандырылды (Сарайшық көшесі, Арқар көпірі). Жаңа кеңістік Триатлон паркі мен Президент саябағын біріктіреді.

Көгалдандыруға ерекше назар аударамыз. Себебі әр отырғызылған ағаш бірнеше жылдан соң экологияға жағымды әсерін тигізіп, адамдардың уақытта тиімді өткізуіне септігін тигізері сөзсіз. Қазір келесі жылы абаттандырылатын аулалар мен қоғамдық кеңістіктердің тізімін дайындап жатырмыз», – деп жазды Алтай Көлгінов.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109