2076

ЖРВИ мен тұмаудың өршу кезеңінде иммунитетті қалай нығайтуға болады?

Нұр-Сұлтан қалалық №1 емхананың учаскелік терапевт дәрігері Шолпан Оразалы иммунитетті нығайту үшін қандай дәрумендер қажет екенін айтып берді, деп хабарлайды елорда әкімдігінің ресми сайты.

Барлығымыз білетіндей, ауа-райының салқындауына байланысты күз және қыс мезгілдерінде ЖРВИ және басқа инфекциялық ауруларды жұқтыру қаупі жоғары. Әсіресе дәл қазіргідей бүкіл әлемдік пандемиялық жағдайда денсаулықты күтіп, иммунитетті көтеру маңызды. Мұндай жағдайда таза ауада тыныстап, жаттығулар жасап, жаман әдеттерден арылу арқылы ағзамызға көмектесе аламыз. Салауатты өмір салтын сақтап, күнделікті толыққанды 7-8 сағаттық ұйқы және эмоционалды тыныштықты қамтамасыз ету де маңызды. Сонымен қатар микроэлементтер мен витаминдерге бай тағамдарды тұтыну арқылы қысқа уақыт ішінде ағзаның резервтік күшін жоғарылатып, әр түрлі инфекцияларға қарсы тұру қабілетін күшейтуге болады.

Дәрігердің айтуынша, иммунитеті нығайту үшін А, В, С, Д, Е дәрумендері қажет. Кейбір дәрумендерді ағзаның өзі түзуге қабілетті, мысалы D дәрумені күн сәулесінің әсерінен біздің терімізде түзіледі.

"Біз тұратын Нұр-Сұлтан қаласында жыл бойына ауа райының салқындығына байланысты, күн сәулесінің түсуі өте аз. Сол себепті елорда халқында D дәруменінің жеткіліксіз болуы заңды нәрсе. Тіпті, бізге келетін 5 науқастың 2-еуінде Д дәрумені жеткіліксіздігі кездеседі десек болады", - дейді Шолпан Оразалы.


Дегенмен, әуелі организмге қандай дәрумендер қажет екендігін анықтап алу керек. Дәрігер ол үшін емханаға барып, арнайы анализдерді тапсырған дұрыс екенін атап өтті.

"Яғни дәрігердің кеңесіне жүгіну арқылы қандай дәруменді және қанша мөлшерде ішу керектігін білетін боласыз. Егер де өздігінен аламын десеңіз, онда өзіңіздің жас ерекшелігіңізді, тамақтану рационыңызды ескеру қажет. Мысалы, қазір диетада болсаңыз, онда қандай дәрумендерге мұқтаж екендігіңізді ескерген жөн. Сонымен қатар, дәрумендерді таңдауда сенімді, халықаралық дәрежеде тексерілген, медициналық сараптамалар мен зерттеулерден өткен фармацевтикалық компаниялар өндіретін дәрумендерді тұтынған дұрыс", - деп түсіндірді Шолпан Оразалы.

Сондай-ақ дәрігердің айтуынша, дұрыс тамақтану да иммунитетті нығайтуда көп пайдасын тигізеді. Көкөністер, жемістер, ет, сүт, жаңғақтар, ботқа - қажетті микроэлементтерге бай азық-түліктер.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109