2969

Білім басқармасы қашықтан оқыту кезінде оқушылардың үлгерімі қалай бағаланатыны туралы айтты

Мектептерде бірінші тоқсан аяқталуға жақын. Елордадағы жалпы білім беретін оқу орындарда оқушылар меңгерген материалдар деңгейі тексеріледі. Нұр-Сұлтан қаласы білім басқармасының басшысы Шолпан Қадырова брифингте қашықтықтан оқыту кезінде оқушылардың білімін бағалау жүйесі қалай жұмыс істейтінін айтып берді.

Биылғы оқу жылындағы карантин жағдайында 2-11 сынып оқушыларының оқу жетістіктері қалыптастырушы бағалау арқылы анықталып, балл қойылады.

"Қалыптастырушы бағалау оқушылардың жетістіктерін бақылау және сабақта сараланған жұмысты одан әрі құру үшін жүргізілетінін тағы да еске салғым келеді.
Бірінші тоқсан аяқталуға жақын қалды. Осыған байланысты, оқушыларды оқылған бөлім үшін жиынтық бағалау 5 қазаннан басталған болатын, ал тоқсан үшін бағалау 28 қазаннан басталады.
Бағаланатын әрбір пән бойынша – 1 бөлім бойынша бағалау және 1 тоқсан бойынша бағалау жүргізіледі. Оқушылардың оқу жетістіктерін бағалау жүргізілетін пәндер мектептің оқу жұмыс жоспарына сәйкес айқындалады", - деп атап өтті Шолпан Қадырова.

Сонымен қатар, жиынтық бағалау келесі оқу пәндері бойынша өткізілмейді: "Өзін-өзі тану", "Көркем еңбек", "Музыка", "Дене шынықтыру", "кәсіпкерлік және бизнес негіздері", "Графика және жобалау", "Қоғам және дін", "Бастапқы әскери және технологиялық дайындық" және "Бастауыш сыныптарға арналған Информатика".

Медициналық көрсеткіштер бойынша, ерекше білім берілуіне қажеттілігі бар үйде оқитын балалар үшін, мұғалім оқу жүктемесі мен оқыған оқу материалын ескере отырып, жеке тапсырмаларды әзірлейді.

"Жалпы, тоқсандық қортынды баға – қалыптастырушы бағалау, бөлім бойынша бағалау және тоқсан бойынша бағалау нәтижелері негізінде яғни  оқушылардың тоқсан ішіндегі оқу жетістіктерін бағалау кезінде ескеріліп, балдар қойылады.

Жиынтық бағалаудың қорытындылары оқушыларға, ата-аналарға қағаз немесе электрондық форматта беріледі",- деді Нұр-Сұлтан қаласы білім басқармасының басшысы.

Мұғалім күн сайын журналда оқушылардың оқу жетістіктерінің прогресін Кунделік электорнды журналында орналастырылған есепке сәйкес балл түрінде тіркеп отырады. Қалыптастырушы бағалау үшін ең жоғары балл 10 балдан аспайды.

Бұл ретте 1-3 балл төмен деңгей өлшемдеріне сәйкес келеді (10% - дан 30% - ға дейін). Яғни, оқушы бұл жағдайда қателіктер жіберіп, мұғаліммен кері байланыс туралы қорытынды жасамайды, тапсырмаларды өз бетінше орындай алмайды.

Ал 4-7 балл аралығы - орта деңгей өлшемдеріне сәйкес келеді (40%-дан 70% - ға дейін). Яғни, оқушы қандай да бір қателіктер жіберуі мүмкін, тапсырмаларды кейде өз бетінше орындауға қиындықтар туындайды.

8-10 балл - жоғары деңгей (80% - дан 100% - ға дейін). Бұл жағдайда оқушы тапсырмаларды орындау кезінде шамалы дәлсіздіктер жасауы мүмкін, өз бетінше тапсырмаларды орындай алады, түсіндіре алады, жауаптарын негіздей алады.

"Осылайша, тоқсандық бағалау – қалыптастырушы бағалаудың орташа баллы, бөлім бойынша және тоқсан бойынша жиынтық бағалаудың нәтижелері негізінде тиісінше 25%, 25% және 50% пайыздық арақатынаста қойылады.

Осыған байланысты оқушылардың ата-аналары тарапынан оқыту нәтижелерін бағалаудың объективтілігі бойынша бірнеше сұрақтар келіп түскенін атап өткім келеді.

Сондықтан, осы сияқты мәселелер туындаған жағдайда, тоқсан үшін жиынтық бағалау қойылғанға дейін бір күннен кешіктірмей модерация жүргізілетінін естеріңізге саламын", - деп хабарлады Шопан Қадырова.

Ақпараттарды білім беруді жаңғырту орталығының әдістемелік сүйемелдеу ашық онлайн алаңында online-metod.kz, nao.kz, smk.edu.kz, kundelik.kz сайттарда алуға болады.

Бұдан басқа да сұрақтар туындаған жағдайда сынып жетекшіге немесе пән мұғалімдерінің көмегіне жүгінуге болады.

Елордалық білім басқармасының басшысы ата-аналарды балалардың үлгеріміне үлкен жауапкершілікпен қарап, Күнделік электронды журналына белсенді түрде кіріп, балалардың бағалары мен тапсырмаларының орындалуын бақылауға шақырды.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109