Қазақстан Республикасының чемпионатында жастар мен жасөспірімдер және қыздар мен ерлер арасында елорданың спортшылары  каратэ  киокушинкай – канн бойынша жалпыкомандылық І орынға қол жеткізді. Бұл туралы astana.kz сайтына Астана әкімдігінің «Жігер» спорт клубынан мәлім етті.

 Киокушинкай - кан каратэ бойынша Қазақстан Республикасының чемпионаты 2013 жылдың 14 сәуірінде Атырау қаласында балалар, жастар мен жасөспірімдер, және әйелдер мен ерлер арасында өтті.  

Турнирге Қазақстанның: Астана, Семей, Көкшетау, Қызылорда, Ақтау, Атырау, Тараз, Алматы, Павлодар, Петропавл сияқты 10 қаласынан және Ресейдің Астрахан мен Краснодар қалаларынан спортшылар келді.  

Тұтастай алғанда, турнирге 300 спортшы қатысты. Төрешілер жарысты үш татамида бағалады.

Спорт клубтың хабарлауынша, командалық есепте Астана І орынға шықты. Күмісті жалпыкомандалық есепте Көкшетау спортшылары, ІІІ орынды Атыраудың спортшылары қанжығаларына байлады.  

Қазақстан Республикасының чемпионаты өте жоғары деңгейде өтті. Барлық командалар мен көрермендер спорттық іс-шараның ұйымдастырылуына риза болып тарасты.