Астанада 19 сәуірде өтетін жалпы қалалық сенбілікке Сарыарқа ауданында 100 техника тартылады. Бұл туралы astana.kz сайтына Сарыарқа ауданы әкімі аппаратынан хабарлады. Экологиялық айлық аясында аудан аумағында заңсыз жиналған қоқыс үйінділері жиналады.

Астанада 19 сәуірде өтетін жалпы қалалық сенбілікке Сарыарқа ауданында 100 техника тартылады. Бұл туралы astana.kz сайтына Сарыарқа ауданы әкімі аппаратынан хабарлады.

«19 сәуірде жалпы қалалық сенбілік аясында 100 техника, соның ішінде 80 жүк көлігі және 20 тиегіш тартылады», - делінген хабарламада.

Айта кетейік, «Астана Зеленстрой» мердігерлік ұйымы скверлерді жинау, гүлзәрларды тазарту және ағаштарды кесу жұмыстарын жүргізеді, Н.Тілендиев даңғылында 450 ағаш отырғызылады. Бұдан басқа, сенбілікке қатысушылар керек-жарақтармен және қалалық полигонға қоқыс шығаруға талондармен қамтамасыз етіледі. 

Ведомствоның хабарлауынша, 7 сәуір - 7 мамыр аралығында өтетін экологиялық айлық аясында «Астана қалалық жарық» ЖШС, «Елорда-Жарнама» ЖШС, «Астана Жылу транзит» ЖШС, «АстанаГазҚызмет» ЖШС, «Астана РЭК» АҚ, «Астана Су Арнасы» МКК, «ССТ Лайтинг» ЖШС коммуналдық кәсіпорындары нысандарды тиісті қалпына келтіреді.

Экологиялық айлық аясында аудан аумағында заңсыз жиналған қоқыс үйінділері жиналады.