Бүгін, 25 мамырда мектеп бітірушілердің қуанышына қарай елорадада ауа райы жылы болады.  Сынап бағаны Цельсия белгісі бойынша +20 градусқа көтеріледі. Тек келесі аптаның басында ғана синоптиктер күн бұлтанып, жауын жауатынын айтады. Бұл туралы astana.kz сайтына «Қазгидромет» РМК-дан мәлім етті.

«Астанада 25 мамырда күн ашық болады. Солтүстік батыстан  5-10 м/с жел соғады. Ауа температураы түнде +3+5°C, күндіз +19+21°C шамасында», - делінген хабарламада.

  Гидрометорталықтың мәліметі бойынша, 26 мамыр, жексенбі күні елордада күн құбылмалы болады. Шығыстан 5-10 м/с жел соғып, ауа температурасы түнде 6-8 градус, күндіз 21-23 градусқа дейін көтеріледі.

Дүйсенбі, 27 мамырда астанада ауа райы жаңбырлы болғанымен, жылы болады. Желдің екпіні 7-12 м/с, кей жерлерде 18 м/с жетеді. Ауа температурасы түнде  +8+10°C, күндіз +25+27°C. болады.