Елорданың №60 мектеп-лицейі «Еуропалық сапа» марапатына ие болды. Марапаттау туралы шешім Еуропа бизнес Ассамблеясының "Сократ комитетінің" (ЕБА, Europe Business Assembly, Oxford, UK) аталған білім ордасын үздіктердің қатарына қосу туралы ұсынысынан кейін белгілі болған. Марапаттау рәсімі Лондонда Бизнес көшбасшылары саммитінде өтті.

Эльмира Суханбердиева, №60 мектеп-лицейінің директоры:

Бүкіл әлемде Еуропалық сапаның халықаралық тізбесі бар. Қазақстанда Еуропалық сапа дәрежесіне жеткен алғашқы мектеп ол біздің №60 мектеп-лицей. Мәселен, шетелдік оқушылар біздің елімізде білім алғысы келсе, бірінші кезекте Еуропалық сапа бар ма, жоқ па, соны сұрайды. Енді осы дәреженің арқасында шетелдік кез келген оқушы біздің мектепте білім ала алады.

Марапатты тапсыруда білім беру жүйесіндегі озық көрсеткіш, білім сапасының Еуропа елдеріндегі оқу орындарының мүмкіндіктерінен кем түспейтіндігі, мұғалімдер біліктілігі мен кәсіби деңгейі, мектеп бағдарламасына жаңа технологиялардың енгендігі ескерілген. Бүгінде 2000-нан астам оқушы білім алып жатқан оқу ордасының бірқатар түлектері халықаралық Олимпиадаларда жоғары нәтиже көрсетіп,  біразы шетелдерде білім алуда.