Астана аэропортында антитеррорлық оқу-жаттығу өтуде

Бүгін сағат 09:00 мен 13:00 аралығында Елордалық терроризммен күрес жөніндегі жедел штабы «Нұрсұлтан Назарбаев» атындағы  халықаралық әуежай және «Air Astana» АҚ қызметтерімен бірлесіп аэропорт аумағында антитеррорлық жоспарлы оқу-жаттығу өткізуде, деп хабарлайды Астана қаласы әкімдігінің ресми сайты.   

Іс-шараның мақсаты -ведомствоаралық өзара іс-қимыл мен әуежай қызметтерінің бірлескен іс -қимылын пысықтау, жетілдіру бойынша және ЖББОМ күштері мен құралдарын көлік объектілеріндегі террористік көріністерге шұғыл ден қою, әрекет ету.

Оқу-жаттығу әртүрлі элементтерге байланысты жауынгерлік жағдайға барынша жақындатылған.

Елордалық терроризммен күрес жөніндегі жедел штабы қала тұрғындары мен қонақтарынан  оқу-жаттығу кезіндегі туындайтын ыңғайсыздықтар мен қолайсыздықтар үшін кешірім сұрап, түсіністікпен қарауға шақырады және жауапты қызметтердің айтқан нұсқауын бұлжытпай орындауды өтінеді.