Денсаулық сақтау басқармасы мен «Медикер» компаниясы серіктестік жөніндегі меморандумға қол қойды

Астана қаласы Денсаулық сақтау басқармасы «Медикер» компаниясымен меморандумға қол қойғандығы  жөнінде   аталған құрылымның баспасөз қызметі  хабарлайды.

«Маусымның 5-де Астана қалалық Денсаулық сақтау басқармасы «Медикер-Көлсай» медициналық орталығының ашылу салтанатына қатысты. Қала тұрғындарына медициналық қызмет көрсету аясында мемлекеттік- жеке меншік серіктестікті дамыту мақсатында «Медикер» компаниясымен Астана қалалық  Денсаулық сақтау басқармасы  серіктестік жөніндегі меморандумға қол қойды,- деп хабарлайды басқарманың баспасөз қызметі.

 Бүгінгі күні Астана қаласында 4 жекеменшік медициналық орталық мемлекеттік- жекеменшік серіктестік аясында жергілікті бюджет есебінен алғашқы медициналық-санитарлық көмек көрсетіп келеді.(«Кировская» ОДА, «Салауатты Астана» ЖШС, «Медициналық орталық  МУА»,«Мырза-Хан» ЖШС). «Медикер» компаниясы енді мемлекеттік тапсырыс аясында  сапалы медициналық қызмет көрсетуге қатысып, серіктестік танытатын  болады.

«Медикер» көпсалалы емдеу-диагностикалық орталығымен емдеу- алдын-алу ұйымдарының серіктестігі қалалық емханалардың жұмысын жеңілдетіп, тұрғындарға өз уақытында медициналық қызмет көрсетуге және көрсетілетін қызметтің сапасын арттырмақ,- деп хабарлайды басқарма қызметкерлері.