Аудан тұрғындары мен жастардың демалысын ұйымдастыру аудан әкімі аппаратының тұрақты бақылауында, деп хабарлайды Астана әкімдігінің ресми сайты.

Бүгін «Есіл» ауданында 16 мәдениет, 11 спорт нысаны мен 4 аула клубы бар.

«Балалар, жасөспірімдер, ересектер, зейнеткерлер арасында тұрақты негізде футбол, волейбол, шахмат, дойбы, үстел теннисі және ұлттық спорт түрлерінен іс-шаралар өткізіледі.  Жаз мезгілінде командалардың жаттығулары ашық спорт алаңдарында ұйымдастырылады.  Қыс мезгілінде мұз айдындар құйылып, мұз айдындары мен қалашықтары  тұрғызылады», – деп хабарлады тұрғындарға есеп беру кездесуі барысында «Есіл» ауданының әкімі Төлеген Закарьянов.

Қала әкімінің бастамасымен «Astana winterland» тұжырымдамасы аясында алғаш рет мұз мүсіндерінің халықаралық конкурсы өткізілді.