2641

Елордада тұңғыш рет «Make it possible» республикалық спартакиадасы бастау алды

Назарбаев Университетінің атлетикалық орталығында «Make it possible» республикалық спартакиадасы басталды. Жарыс мүмкіндігі шектеулі және ата-анасының қамқорлығынсыз қалған балалар мен жасөспірімдер арасында өтуде, деп хабарлайды қала әкімдігінің ресми сайты.

Мұндай спартакиада елімізде алғаш рет өткізіліп отыр.

ҚР Мәдениет және спорт министрлігі Спорт және денешынықтыру істері комитеті төрағасының орынбасары Серік Жарасбаевтың айтуынша, жарысқа 8 өңірден 300-ге жуық жасөспірім қатысады.

«Бүгін министрліктің ұйымдастыруымен елімізде алғаш рет ерекше күтімді талап ететін балалар мен асыраушысынсыз қалған балалар арасында республикалық спартакиада басталды. Бізге бұл идеяны қоғам белсенділері ұсынды, біз өз кезегімізде биылғы жастар жылы аясында өткізуді жөн көрдік. Спартакиада еліміздің 8 өңірінен 300-ге жуық бала қатысып жатыр. Жас ерекшеліктері 13 пен 17 жастағы жасөспірімдер. Спартакиада жас ерекшеліктеріне қарай, спорттың 5 түрінен өтеді. Жалпы шараның мақсаты – жай спортпен қатар, параспортты дамыту және кеңінен насихаттау», - деді комитет төрағасының орынбасары.

Оның айтуынша, жасөспірімдер спорттың 5 түрінен бәсекеге түседі.

«Менің жасым 15-те мен Қаратау қаласынан келдім. Бүгінгі жарыста қолкүрестен қатысамын. Бұған дейін облыстық жарысқа қатысып 3 орын иелендім. Спорттан басқа мәнерлеп оқығанды жақсы көремін», - деді Жамбыл облысы, Қаратау қаласынан келген спортшы Әсемай Әшімбек.

Ұйымдастырушылардың айтуынша, жарыс 2 күнге созылады және алдағы уақытта жыл сайын өткізілетін болады.

«Параспортпен біздің балалар тұрақты түрде 3 жыл айналысып жатыр. Әсемайға ДЦП диагнозы қойылған, бірақ соған қарамастан өмір сүру мен сопртпен шұғылдануға деген құлшынысы жоғары. Біздің облыстан 6 бала келді, олар спорттың 3 түрінен жарысқа түседі. Балалардың дамуына жақсы әсер ететін осындай жарыстар ұйымдастырылса дейміз, ұйымдастырушыларға рахмет», - деді жамбылдық спортшылардың жаттықтырушысы Салтанат Расылханова.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109