3893

Елорда әкімі Алтай Көлгінов қала тұрғындарына үндеу жасады

Уважаемые жители и гости столицы!

Құрметті елорда тұрғындары мен қонақтары!

Біз тарихымызда алғашқы рет 3 айдан астам уақыттан бері карантин режимінде өмір сүріп келеміз. Төтенше жағдай кезеңін бастан кешірдік. Қатаң тәртіптің арқасында, өзін-өзі оқшаулаудың нәтижесінде біз қауіпті кезеңнен өттік. Қазіргі уақытта көптеген кәсіпорындар жұмысын жандандырды. Азаматтар жұмысына қайта оралды. Қоғамдық көліктер қайта жүруді бастады. Саябақтар мен қоғамдық орындар есігін қайта ашты. Әрине осыған сәйкес азаматтардың да саны көшеде көбейді. Дегенмен, азаматтардың көбеюіне байланысты қауіп арта түсуде. Бірнеше мәселеге көңіл аударуды сұраймын.

Бірінші, қазір біз байқағанымыздай ауру жұқтыру ошақтары отбасыларында пайда болуда. Мысалы, балалары, ата-анасы, ата-әжесі де вирусты жұқтырды. Нәтижесінде бүкіл отбасы мүшелерін ауруханаға жатқызуға тура келді.

Екінші, көңіл аударуды талап ететін мәселе бұл ұжымдарда ошақтар пайда бола бастады. Соңғы аптадағы вирус анықталған азаматтардың тең жартысынан көбі ол ұжымдардағы азаматтар. Отбасында да және жұмыс орынында да санитарлық нормалардың, карантиннің талаптарының дұрыс сақталмауының есебінен деп мамандар айтады.

Сондықтан үш мәселеге көңіл аударуды сұраймын.

Біріншіден, қоғамдық орындарда, азаматтар көп шоғырланатын жерде міндетті түрде медициналық масканы тағу қажет.

Екіншіден, қарапайым гигиеналық нормаларды сақтауды ұмытпауымыз қажет. Әсіресе балаларға айтып, отбасымыз бен жұмысымызда да осы тәртіпті бұзбауымыз керек.

Үшіншіден, азаматтар көп шоғырланатын жерге барудың қажеті жоқ және де дистанцияны сақтауға міндеттіміз. Тек сонда ғана біз вирустан құтыламыз.

Тәжірибе көрсеткендей вирус жасқа қарамайды. Дені сау азаматтар да вирусты жұқтырып, өз-өзін емдеймін деп денсаулығын қиындата түсуде. Жас, тепсе темір үзетін азаматтар ауруханаға түсуде. Ауыр хәлде жатқан азаматтарымызда бар.

Егер 600-ден астам ауруханада карантинде болса, соның тең жартысынан көбінде пневмония диагнозы анықталған. Демек, нағыз қауіпті топқа жататындар. Соның ішінде 34 денсаулығы ауыр хәлде деп бағалануда. Олардың 12-сі ИВЛ аппаратына қосылған. Карантин басталғалы бері, Төтенше жағдай жарияланған кезде біз көптеген мекемелерді жабуға мәжбүр болдық. Азаматтарымыз уақытша жұмыссыз қалды.

Соған қарамай мемлекетіміз қыруар ақша жұмсады. Аз қамтылған отбасыларға көмек көрсетілді. Орта және шағын бизнесқа үлкен қолдау көрсетілді. Енді қазір жұмысты жандандырғаннан кейін кәсіпорын басшылары соны ұмытпау керек. Барлығымыз айтылған талаптарды орындауға тиістіміз. Біз күнделікті қарап, бақылап жүрміз. Бірақ, азаматтық, әлеуметтік жауапкершілік болу керек. Ендігі ортақ міндетіміз — вирустың таралуына жол бермеу. Қатаң тәртіпті сақтасақ, карантин режимінен ертерек өтеміз.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109