Әлия Тоқтанаева өнімнің жетіспеушілігі мен сапасының төмендігін көргеннен кейін ағаштан жасалған ойыншықтар жасайтын отбасылық өндіріс ашуға шешім қабылдаған.

«Қызымыз мазасыз болды. Зейіні мен есте сақтау қаблетін жақсартатын ойыншықтар іздедік. Мұндай өнімдер елордада шығарылмайтынын түсіндік. Қазір негізгі импорттық өнімдер сатылып жатыр. Осыдан бізге идея келді - сапасы жағынан шетелдік ойыншықтардан кем түспейтін ойыншықтар шығарумен айналысу. Біз нарық, аудитория, өнім жасаудың шетелдік технологияларын зерттедік. Бізде жартышар аралық тақталар, балансирлер, бодибордтар, танграмдар, текшелер, слайдтар, көлденең сырықтар, әткеншектер және басқа заттар бар. Олардың ерекшелігі - моториканы, ойлауды, есте сақтауды, зейінді дамытуға көмектеседі. Өнімдер бір жастан 15 жасқа дейінгі балаларға арналған. Ойыншықтар ерекше қажеттіліктері бар балаларға да жарайды», - деді GA оiynshyqtar fabrikasy құрылтайшысы Әлия Тоқтанаева.

Жобаның басталуына «Бизнестің жол картасы - 2025» бағдарламасы көмектесті. Кәсіпкер жоба жасап, конкурсқа қатысуға өтінім беріп, грант жеңіп алды.

«Біз грант қаражатын ағаш шеберханасын ашуға салып, жабдықтарға тапсырыс бердік. Қазір өндірісті іске қосуға дайындық жұмыстары жүргізілуде. Жұмысты ақпан айында бастаймыз», - деді Әлия Тоқтанаева.

Жобаның негізін қалаушылар ел астанасында да, аймақтарда да мемлекеттік органдарға, білім беру мекемелеріне және оңалту орталықтарына өнімдерді жеткізуді жоспарлап отыр.

«Бизнестің жол картасының» тағы бір қатысушысы, ADAMI зергерлік шеберханасының негізін қалаушы Дамира Абикенова грант қаражатын өндірісті кеңейтуге бағыттады.

«Табиғи тастармен күміс зергерлік бұйымдар шығарамыз. Бұл бағытта төрт жылға жуық іздендім - оқыдым, өзім бұйымдар жасадым. Бірте-бірте бизнес ашу қажет болды. Осы жылдың басында аштық. Зергерлік бұйымдар әр түрлі қолмен жасалатын операцияларды қамтиды - әрлеу, құю, тас қою. Бұл әртүрлі жабдықтар мен құралдарды қажет етеді. Жаңа бастаған бизнес үшін мұндай шығындарды көтеру қиын. Мен грант байқауына қатыстым», - дейді Дамира Абикенова.

Грант күмістен жасалған бұйымдарға алтын жалатуға арналған құрал-жабдықтар сатып алуға, сондай-ақ заттарды орау шеберханасын құруға және қолөнер штатын кеңейтуге жұмсалды.

Айта кетейік, «Бизнестің жол картасы» бағдарламасы Қазақстанда 2010 жылдан бері жұмыс істейді. Оның бір бағытын әкімдіктер қадағалайды. Жергілікті атқарушы органдар бизнесті гранттармен және инфрақұрылымдық көмекпен қолдайды. Грант беру конкурстарына кәсіпкерлер де, өз бизнесін ашқысы келетін қазақстандықтар да, оның ішінде әйелдер, мүмкіндігі шектеулі жандар және 50 жастан асқан адамдар да қатыса алады. Биыл елордада 57 бизнес-жоба гранттармен қолдау тапты.