Жаңа жылға орай қаланың әр жерінде 33 жаңа жылдық шырша орнатылды

Жаңа жылға орай қаланың әр жерінде 33 жаңа жылдық шырша орнатылды. Бір күн бұрын Нұр-Сұлтанда мерекенің басты нышанын жағу рәсімі өтті.

Шыршалардың бірі ЭКСПО қалашығының аумағында орналасқан, биіктігі 25 метр. Жасанды шырша 1200 шар, 250 кішкене және 20 композициялық қармен түрлі-түсті етіп безендірілген. Ұзындығы 1500 метр жыпылықтайтын жарық диодты және 500 метр твинкл-лайт гирляндтармен жарықтандырылған. Салтанатқа қатысқан қала тұрғындары мереке сәнін жоғары бағалады.

«Шырша керемет, өте әдемі жарықтандырылған. Мерекелік көңіл-күй сыйлайды. Өте ұнады. Отандастарымызды мерекемен құттықтаймыз, келе жатқан 2021 жыл барлығына сәттілік, жақсылық, бақыт пен денсаулық әкелсін», - дейді елорда тұрғындары.

Сондай-ақ санитарлық-эпидемиологиялық бақылау департаменті халық көп шоғырланған жерлерге баратын қала тұрғындарын санитарлық нормаларды қатаң сақтауға шақырады.

Жаңа жыл қарсаңында елорда тұрғындары үшін бейне құттықтаулар ұйымдастырылады. Роликтерге танымал адамдар, қазақстандық эстрада жұлдыздары, актерлер және т.б. қатысады.

Естеріңізге сала кетейік, жақында Нұр-Сұлтанда алты метрлік тоқылған шырша пайда болады. Қазір мұнда еліміздің түкпір-түкпірінен келген шеберлер жұмыс жасауда.

Сондай-ақ «Үйдегі шыршаны безендіру» флешмобы аясында әркім өзінің телефонына видео немесе фото түсіріп, Нұр-Сұлтан әкімдігінің парақшасын белгілей отырып әлеуметтік желілерде #Мейірімдіболуәдет, #Добротаобразжизни, #Моднобытьдобрым хэштегімен жариялай алады.