3493

Нұр-Сұлтанда iKomek 109 және iQala жұмысы күшейтілді

Нұр-Сұлтан әкімі iKomek 109 бірыңғай байланыс орталығы мен iQala қалалық қызметтер орталығына маңызды жұмыстары үшін ризашылығын білдіріп, келе жатқан Жаңа жылмен құттықтады. Бұл туралы Алтай Көлгінов өзінің «Instagram» парақшасында жазды, деп хабарлайды әкімдіктің ресми сайты.

«Биыл iKomek 109 бірыңғай байланыс-орталығы мен «iQala» қалалық қызмет көрсету орталығының жұмысы күшейтілді. Төтенше жағдай режимі кезінде блок бекеттердегі тоқтаусыз жұмыс, дәрі-дәрмек тасымалы кезінде және санитарлық дәрігердің қаулысын түсіндіру сияқты басқа да шаралар бойынша үздіксіз жұмыстар жүргізілді.

iKomek 109 карантин кезінде елордадағы өмірлік маңызы бар сұрақтар бойынша бірыңғай жедел желі болды. Коронавирус өршіген кезде дәрі-дәрмек пен қорғаныш заттарын алу жөнінде қарт адамдар тарапынан да көптеген қоңырау түсті. Егер өткен жылы колл-орталыққа 1 млн 600 мың шағым түссе, биыл оның саны 2 млн 200 мыңға жетті.

Төтенше жағдай кезінде жедел жұмыстарды жақсарту үшін мамандар саны екі есеге көбейтілді. Олардың минут сайынғы еңбегінің арқасында елорда тұрғындары карантиндік шаралар, қалаға кіру және шығу, нысандардың жұмыс режимі сияқты маңызды жаңалықтар мен өзгерістер туралы хабардар болып отырды. Орталықта біз, сондай-ақ мүмкіндігі шектеулі жандарды жұмыспен қамтамасыз етеміз.

Төтенше жағдай кезінде блок бекеттердегі қалаға кіру және шығу толықтай автоматтандырылды: электронды базаға тек «жасыл дәліз» бойынша ғана кіруге құқылы көліктердің нөмірі тіркелді. Бұл көліктердің азық-түлікпен, сонымен қатар қаланың маңызды салаларына атсалысатын жұмыскерлер тізімінде бар адамдармен ғана кіріп-шығуға мүмкіндігі болды. Бұл электрондық жұмысты сол сияқты «iQala» қалалық қызмет көрсету орталығы да ұйымдастырды. Сондай-ақ ТЖ кезінде ШОБ өкілдерінде де сайт арқылы қала ішінде жүріп-тұруға құқығы берілді.

«iQala» орталығы «бір терезе» қағидасы бойынша қызмет көрсетеді. Мысалы, кәсіпкерлер немесе жеке тұлғалар бір орында жарық, су, жылу, қоқыс шығару және т.б. бойынша қызмет ала алады. Карантин уақытында орталықтың сайты арқылы электронды түрде қызмет алу жеңілдетілді. Орталықта 150-ден аса қызмет көрсетіледі. Егер 2019 жылы 3 600 қызмет көрсетілсе, 2020 жылы 69 мыңнан аса қызмет көрсетілді. Көрсетілетін қызметті арттыру үшін әрі қарай да жұмыс жүргіземіз.

Маңызды жұмыстарды атқарып отырған аталған ұйымдардың ұжымына алғысымды білдіремін! Қызмет көрсетуді жақсарту, жұмыскерлерге еңбек шартын құру жөнінде әрі қарай да жұмыс істейтін боламыз», - деп жазды Алтай Көлгінов.

Фото: Александр Куприенко

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109