«Қазақстан Республикасындағы сайлау туралы» ҚР Конституциялық Заңына және «Қазақстан халқы Ассамблеясы туралы» ҚР Заңына сәйкес Қазақстан халқы Ассамблеясы сайлайтын Қазақстан Республикасы Парламенті Мәжілісінің депутаттығына 9 кандидат ұсынды. Бұл туралы қалалық әкімдіктің ресми сайты Елорда Инфоға сілтеме жасап хабарлайды.

ҚХА атынан Мәжіліс депутаттығына ұсынылған кандидаттардың тізімі:

1. Абдрахманов Сауытбек Абдрахманұлы — VI сайланған ҚР Парламенті Мәжілісінің депутаты, ҚХА мүшесі.

2. Амирханян Аветик Рубенович — «Масис» Батыс Қазақстан облыстық армян этномәдени қоғамдық бірлестігінің төрағасы, ҚХА мүшесі.

3. Бұларов Ілияс Юсупұлы — Жамбыл облысы Қордай ауданы Сортөбе ауылдық округінің әкімі.

4. Дементьева Наталья Григорьевна — Көкшетау қаласы білім бөлімінің «Техникалық лицей» КММ директоры.

5. Ли Юрий Виссарионович — «Қазақстан коллекторларының ұлттық палатасы» ЗТБ төрағасы, ҚХА Кәсіпкерлер қауымдастығының мүшесі.

6. Нәбиев Вакиль Гусейнұлы — «Барбанг» күрдтер қауымдастығы» республикалық қоғамдық бірлестігінің вице-президенті, ҚХА мүшесі.

7. Осин Шамиль Абзалетдинович — «Шығыс» фермерлік шаруашылығының басшысы, ҚХА мүшесі.

8. Тохтасунов Владимир Имтахунович — «ЖетісуОблГаз» ЖШС бас директоры.

9. Хамедов Әбілфас Мүслімұлы — «Әзербайжандар қауымдастығы» республикалық қоғамдық бірлестігінің төрағасы, ҚХА мүшесі.

Қазақстан халқы Ассамблеясының сессиясы — Ассамблея мүшелерінің жиналысы Ассамблеяның жоғары басқарушы органы болып саналады. Сессияның айрықша құқығы Қазақстан Республикасы Парламенті Мәжілісінің тоғыз депутатын сайлау болып есептеледі.