3795

Елордада Мұқағали Мақатаевтың 90 жылдығына арналған «Ғашық-жүрек» қойылымының премьерасы өтті

Қазақ әдебиетінің ірі өкілдерінің бірі, ұлтымыздың бағына біткен әйгілі ақыны, барша қазақтың жүрегіне жыр болып сіңген Мұқағали Мақатаевтың туғанына 90 жыл толып отыр. Осыған орай Нұр-Сұлтан қаласы әкімдігінің Музыкалық жас көрермен театры «Ғашық-жүрек» поэтикалық-музыкалық қойылымын сахналап, премьерасын ұсынды. Бұл туралы қала әкімдігінің ресми сайты аталмыш театрдың баспасөз қызметіне сілтеме жасап хабарлайды.

Ақиық ақынның 90 жылдығына арналған премьераға Мәдениет және спорт вице-министрі Нұрқиса Дәуешов, Нұр-Сұлтан қаласы әкімінің орынбасары Бақтияр Мәкен, Қазақстанның еңбек сіңірген қайраткері, халықаралық «Алаш» әдеби сыйлығының иегері Дәулеткерей Кәпұлы, Қазақстанның еңбек сіңірген қайраткері, жазушы Шәрбану Бейсенова және Қазақстанның Жазушылар одағы мүшелері және өзге де ақын-жазушылар арнайы қатысты.

«Мұқағали Мақатаевтың өсиет пен өнегеге толы  шығармалары – келер ұрпаққа қалдырған асыл мұрасы. Мемлекет басшысы Қасым-Жомарт Кемелұлы Тоқаев барша қазақстандықтарды бүгінгі ерекше күнмен арнайы құттықтады. Мәдениет және спорт министрлігі биыл М. Мақатаевтың 90 жылдығына орай басқа өңірлермен бірлесіп көптеген шараларды жоспарлауда. Осындай шаралар біздің руханиятымызды байыта түседі деген сенімдеміз. Нұр-Сұлтан қаласы әкімдігінің Музыкалық жас көрермен театры кеше ғана ашылса да, өз көрермендерінің жүрегінен ерекше орын алып үлгерді. Оған өте қуаныштымыз. Сондықтан әрқашан қазақ өнерінің, қазақ мәдениетінің туы биік болсын! Шығармашылық ұжымға алғыс айтамын және сәттілік тілеймін!» – деді вице-министр Нұрқиса Дәуешов.

Халқымыздың асыл перзентінің, әдебиетіміздегі алып тұлғаның есімі әрқашанда ел есінде жүруі тиіс. Осы мақсатта елордамыздағы бір мектепке ақынның есімін беруді ұсынып жатқанын Нұр-Сұлтан қаласы әкімінің орынбасары Бақтияр Мәкенұлы айтып берді.

«Мұқағали атамыздың мерейтойы құтты болсын! Болашақта осы мерейтойды жыл сайын қарсы алып, басқа мекемелерде де, білім ошақтарында да бірігіп ұйымдастырамыз деген сеніміміз мол. Нұр-Сұлтан қаласында №74 мектепке Мұқағали Мақатаевтың атын беруді ұсынып жатырмыз. Елордада руханият пен мәдениеттің дамуында көп еңбек атқарып жүрген тұлғалардың атын шығару өте маңызды. Сондықтан бүгінгі мәдени кешіміз құтты болсын!» – деді Нұр-Сұлтан қаласы әкімінің орынбасары Бақтияр Макен.

Қойылымның қоюшы-режиссері – Аман Ғұмаров. Мұқағали Мақатаевтың бейнесін театр актері Қазыбек Есқара, ал ақынның досы Шәмілдің бейнесін актер Ерназар Жаңатілек сомдады. Сондай-ақ, спектакльге театрымыздың барлық әртістері қатысты. Қойылымды музыкамен сүйемелдеген – театр оркестрі, музыкасын әрлеген – Болат Жолдасов.
Қойылым соңында актерлерге Нұр-Сұлтан қаласы әкімі Алтай Көлгіновтің атынан ықылас гүлі табысталды.

Елімізде орын алып отырған пандемия жағдайына байланысты Музыкалық жас көрермен театрында барлық санитарлық талаптар сақталды. Осы тәртіпте «Ғашық-жүрек» музыкалық поэтикалық қойылымы 10, 11 ақпанға дейін жалғасады.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109