2168

Елорда әкімі Алтай Көлгінов азаматтарды қабылдады

Нұр-Сұлтан қаласының әкімі Алтай Көлгінов Instagram парақшасында онлайн форматта қала тұрғындарын қабылдағанын мәлім етті, деп хабарлайды қала әкімдігінің ресми сайты.

«Бүгін дәстүрлі жеке қабылдауымда 10-нан астам тұрғын болды. Онлайн-қабылдауларды апта сайын өткізіп келеміз. Бұл бізге кері байланысты айтарлықтай күшейтуге және қала тұрғындарының мәселесіне уақтылы жауап беруге мүмкіндік береді.

Тұрғындар медициналық көмек алу, білім алу, жұмысқа орналасуға жәрдемдесу, тұрғын үй бағдарламаларына қатысу және т.б. мәселелерді көтереді.

Мемлекет басшысы халықтың өмір сүру сапасын арттырудың басты шарттарының бірі - халықты қолжетімді баспанамен қамтамасыз ету екенін атап өтті. Бұл бағытта жүйелі жұмыстар жүргізіп жатырмыз.

Былтыр Қазақстандық тұрғын үй компаниясымен (ҚИК) бірлесе іске қосылған бағдарламаны қалалықтар жағымды қабылдағаны қуантады. Осы бағдарлама бойынша санаттар тізімін кеңейттік: медицина және білім беру саласының қызметкерлерінен басқа әлеуметтік қызметкерлер, ТЖД, ПД, мәдениет және спорт қызметкерлері де кірді.

Сонымен қатар, биыл қолжетімді жеңілдікті тұрғын үй құрылысының көлемін ұлғайтамыз. Сондай-ақ, тұрғын үй сертификаттарының мөлшері 1 млн теңгеден 1,5 млн теңгеге дейін ұлғайтылды.

Ал жастарға келетін болсақ, елордада Елбасы ұсынған "жұмыс істейтін жастар үшін жалға берілетін тұрғын үй" бағдарламасын жалғастырамыз. Қабылдау кезінде түскен сұрақтар бақылауға алынды», - деп жазды елорда әкімі.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109