1680

Елорданың 39 кәсіпкерлік нысаны «Ashyq» қосымшасы бойынша жұмыс істейді

Осыдан бір ай бұрын елорданың кейбір мекемелері, соның ішінде фитнес-орталықтар, моншалар, сауналар келушілердің статусын анықтау үшін QR-кодтарды пайдалану жөніндегі «Ashyq» пилоттық жобасының қатысушылары болды, деп хабарлайды қала әкімдігінің ресми сайты Нұр-Сұлтан қаласының Кәсіпкерлер палатасына сілтеме жасап.
Естеріңізге сала кетейік, «Ashyq» мобильдік қосымшасы QR-кодты пайдалану және ПТР ортақ базасымен интеграциялау арқылы келушінің мәртебесін анықтауға, яғни коронавирус тасымалдаушы ма, жоқ па деген сауалды нақтылауға мүмкіндік береді.

QR-код бойынша кіруді бүгінде елорданың 39 кәсіпкерлік нысаны енгізді. Олардың арасында фитнес-орталықтар, сауналар, бассейндер, моншалар, боулинг клубтары, бильярд бөлмелері және т.б. бар.
Айта кетейік, QR-код бизнес субъектісінің атауы, орналасқан жері және сәйкестендіру деректері көрсетілген электрондық сәйкестендіргіш болып саналады. Нақты бір объектіге кіру және шығу үшін кемінде 2 QR-код беріледі. Егер мекемеге бірнеше рет кіріп-шықса әр кіргені үшін жеке код жасалады.

Келушіге өзінің смартфонына «Ashyq» мобильді қосымшасын жүктеу, телефон нөмірі бойынша авторлану, ЖСН енгізу және өзінің баруын тіркеу үшін мекеменің QR-кодын сканерлеу қажет. Сондай-ақ, шығу кезінде QR кодын сканерлеу керек.
Келушіде смартфон болмаған жағдайда кәсіпкерлік объектісінің қызметкері келушінің мәртебесін оның келісімімен ақпараттық жүйеде тексереді.

QR-кодты сканерлегеннен кейін мобильді қосымшада келушінің мәртебесі түрлі-түсті форматта жанады. Ол бойынша адамның байланыста болғаны немесе жұқтырғаны айқындалады:
- «жасыл» мәртебе – келуші деректер базасында COVID-19-ға теріс нәтижемен ПТР-тестілеуден өткені ретінде белгіленген;
– «көк» мәртебесі – ПТР-тестілеу нәтижесі жоқ, COVID-19 науқаспен байланыста болмаған;
– «сары» мәртебе – деректер базасында COVID-19 науқаспен байланыста болғаны ретінде көрсетілген;
– «қызыл» мәртебе – COVID-19 үшін оң нәтижемен базада тіркелді.
Мәртебе ПТР-зерттеулердің бірыңғай интеграциялық порталы және ҚР Денсаулық сақтау министрлігінің COVID-19 бақылау орталығы сияқты ақпараттық жүйелермен салыстыру негізінде беріледі.
Егер келушінің «қызыл» немесе «сары» мәртебесі байқалса, ол пилоттық жобаға қатысатын кәсіпкерлік объектісіне жіберілмейді. Осы мәртебелердің бірімен келушілер туралы ҚР санитариялық-эпидемиологиялық бақылау комитетінің аумақтық департаменттерін хабардар ету қажет.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109