1803

Елорда әкімдігінде «Ashyq» қосымшасының артықшылықтары туралы түсіндірілді

Бүгінгі таңда "Ashyq" мобильді қосымшасын елорданың 39 кәсіпкерлік субъектісі пайдаланады. Нұр-Сұлтан қаласының "Атамекен" кәсіпкерлер палатасы директорының орынбасары Қуанышбек Мұқаш онлайн-брифингте жобаның артықшылықтары мен бизнеске пайдасы туралы түсіндіріп берді, деп хабарлайды елорда әкімдігінің ресми сайты.

Спикердің айтуынша, "Ashyq" пилоттық жобасы өз жұмысында бірқатар фитнес-клубтарды, спа-орталықтарды, сауналарды және ресепшні бар басқа да объектілерді пайдаланады. Жобаға қатысушылар ерікті болып саналады.

«2021 жылдың 26 ақпанында ҚР Бас мемлекеттік санитарлық дәрігерінің «Нұр-Сұлтан, Алматы және Қарағанды қалаларындағы кәсіпкерлік нысандарында «Ashyq» мобильді қосымшасын енгізу бойынша пилотты жүргізу туралы» №7 қаулысы қабылданды. Осы қаулы аясында «Ashyq» пилоттық жобасын мына нысандарда іске асыру басталды: фитнес-клубтар, спа-орталықтар, сауналар, бассейндер, компьютерлік клубтар және боулинг клубтар. Осыған байланысты компьютерлік клубтар мен боулинг-орталықтар 2020 жылдың наурызынан бастап тоқтатылған және қазіргі уақытқа дейін тыйым салынған өз қызметін қайта бастауға мүмкіндік алады», - деді Қ.Мұқаш.

Ол сондай-ақ "Ashyq" қосымшасының бизнеске беретін артықшылықтарын түсіндіріп берді:

- егер нысан орналасқан аймақ "қызыл аймақта" болса, оған "сары аймаққа" сәйкес шектеу критерийлері қолданылады;

- егер "сары аймақ" болса, "жасыл аймаққа" сәйкес шектеу критерийлері қолданылады.

"Ashyq" мобильді қосымшасы QR-кодты пайдалану және ПТР ортақ базасымен интеграциялау есебінен келушінің мәртебесін, яғни вирустың тасымалдаушысы болып саналатынын немесе саналмайтынын анықтауға мүмкіндік береді.

«QR-код бизнес субъектісіне беріледі. Бұл пилотқа қатысу үшін өзінің QR-кодын InfoKazakhstan.kz платформасы арқылы алу қажет. QR-код субъектінің атауын, оның орналасқан жерін және сәйкестендіру деректерін көрсете отырып, бизнес субъектісінің электрондық сәйкестендіргішін білдіреді. 1 объектіге кіру және шығу үшін кемінде 2 QR-код беріледі. Егер мекемеге бірнеше рет кіріп-шықса әрбір кіру үшін жеке QR-код қалыптастырылады», - деп түсіндірді спикер.

Мекемеге кіру үшін келуші өзінің смартфонына "Ashyq" мобильді қосымшасын жүктеп, телефон нөмірі бойынша авторизациялануы, ЖСН енгізуі және өзінің келуін тіркеу үшін мекеменің QR-кодын сканерлеуі қажет. Сондай-ақ, шығу кезінде QR кодын сканерлеу керек.

Қызықтырған сұрақтарға жауап алу үшін @support_ashyq_bot телеграммасында техникалық қолдау қызметі іске қосылды. Қосымшаны көбейту жағдайында басқа арналарды қосу қарастырылады.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109