2165

ҰБТ-ға дайындық: сабақтан тыс уақытта 15 баладан аспайтын топтарда оқыту ұйымдастырылды

Нұр-Сұлтан қаласының Білім басқармасы басшысының орынбасары Римма Иманғазинова оқушылардың ҰБТ-ға дайындығы, тоқсан бойынша жиынтық бағалау жұмыстары жайлы түсіндіріп өтті, деп хабарлайды қала әкімдігінің ресми сайты.

«Мен көптеген ата-аналарды бітіруші сынып оқушыларын қорытынды аттестаттауға, ҰБТ-ға дайындау мәселесі толғандыратынын білемін. Осыған байланысты мектептерде сабақтан тыс уақытта 15 баладан аспайтын топтарда оқушыларды жеке оқыту ұйымдастырылған», - деді Білім басқармасының өкілі.

Сонымен қатар, білім алушылардың білімін толықтыру және олқылықтарды жою бойынша ЖОО мен колледждермен ынтымақтастық туралы кешенді жоспар әзірленді. Сөзін жалғай отырып, ЖОО-лар (ЕҰУ, ҚазАТУ) базасында онлайн-платформа жұмыс істейтінін, онда оқушылар математика, химия, физика пәндері бойынша қосымша сабақтар ала алатынын жеткізді.

«Бөлім бойынша жиынтық бағалау және Тоқсан бойынша жиынтық бағалау өткізуге толығырақ тоқтала кетейін. 2-11-сыныптарда бөлім үшін 1 жиынтық жұмыс (БЖБ), пәндер бойынша тоқсан үшін (ТЖБ) 1 жиынтық жұмыс жүргізіледі, ал 1-сыныптарда бағалау жүргізілмейді. БЖБ 2-11-сыныптарда 2021 жылғы 1-13 наурыз аралығында, ТЖБ 2-11-сыныптарда - 2021 жылғы 15 наурыздан бастап өткізу ұсынылады», - дейді Римма Иманғазинова.

БЖБ-ны өткізу мерзімін педагог дербес айқындайды және қажет болған жағдайда екі кезеңде жүргізілуі мүмкін. «Өзін-өзі тану», «Көркем еңбек», «Музыка», «Дене шынықтыру», «Кәсіпкерлік және бизнес негіздері», «Графика және жобалау», «Қоғам және дін»; «Алғашқы әскери және технологиялық дайындық» оқу пәндері бойынша жиынтық бағалау өткізілмейді және жартыжылдық және оқу жылының соңында «сынақ» («сынақтан өтпейді») қойылады», - деп сөзін жалғады.

Карантиндік шаралардың қатаңдауына байланысты жалпы білім беретін мектептерде орналасқан қосымша білім беру ұйымдары филиалдарының жұмысы онлайн-режимде жүргізіледі, филиалдар жеке орналасқан орын-жайларда жұмысын жалғастыруда.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109