2356

Есіл ауданының әкімдігінде ғарыш тақырыбына арналған бейнероликтер байқауы басталды

Ғарышкерлер күні қарсаңында және Қазақстан Республикасы Тәуелсіздігінің 30 жылдығына орай Есіл ауданының әкімдігі мен «Қазақстан ғарыш сапары» ҰК бірлесіп оқушылар арасында ғарыш тақырыбына бейнероликтер байқауын бастайды, деп хабарлайды елорда әкімдігінің ресми сайты.

Байқау жеңімпаздарына «Қазақстан ғарыш сапары» ұлттық компаниясының ғимаратында экскурсия жүргізіліп, ғарышкер Талғат Мұсабаевпен жеке кездесу өтеді.

Байқау 15 наурызда басталып, 1 сәуірге дейін жалғасады. Қатысу үшін жұмысты ықшам дискіге (CD) жүктеп, өз мәліметтеріңізбен бірге Қабанбай батыр даңғылы, 33 (1 қабат, ресепшн) мекенжайындағы ұйымдастырушыларға тапсыру қажет.

Қатысушылар материалдың жанрын анықтайды (сұхбат, репортаж, бейнеклип). Бұл жағдайда өткізілген жұмыстың ұзақтығы 2 минуттан аспауы керек, рұқсат етілген форматы – avi немесе mpeg. Фотосуреттерді де пайдалануға болады. Бейнероликтердің мазмұны ҚР заңнамасына қайшы келмеуі тиіс. Конкурсқа басқа адамдардың қадір-қасиетіне және сезіміне нұқсан келетін, тақырыпқа сәйкес келмейтін жарнамалық сипаттағы жұмыстар қабылданбайды. Конкурсқа қатысатын жұмыстың (онда пайдаланылған материалдардың) авторлық құқықтарының сақталуына оны жіберген автор жауапты болады. Сондай-ақ конкурсқа қатысатын өзге қатысушылардың авторлық құқықтарын бұзуға тыйым салынады. Әр роликке бір өтінім беріледі, бірақ өтінімдер саны шектелмейді.

Өз жұмысын конкурсқа жібере отырып, автор автоматты түрде ұйымдастырушыларға ұсынылған материалдарды пайдалануға (Интернет желісінде, телебағдарламаларда орналастыру, шығармашылық жобаларға қатысу, одан әрі тираждау және т.б.) құқық береді.

Айта кету керек, байқауға жіберілген бейнероликтер рецензияланбайды және қайтарылмайды.

Жұмыстарды бағалау үшін сараптама жүргізетін комиссия құрылады.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109