2672

Биыл Нұр-Сұлтанда 7 мың үлескер баспаналы болады

Нұр-Сұлтан қаласының әкімі Алтай Көлгінов Instagram парақшасында биыл құрылысы ұзаққа созылған бірнеше үй қолданысқа берілетінін, соның нәтижесінде 7 мың үлескен баспаналы болатынын мәлім етті, деп хабарлайды елорда әкімдігінің ресми сайты.

«Құрылысы ұзаққа созылған әр нысан бірнеше көппәтерлі тұрғын үй кешендерінен тұрады, бұл жұмыс көлемін едәуір арттырады. Ал әр объектіде жүздеген үлескер бар.

Бүгін «Бағыстан» және «Алтын шар 2» нысандарына бардым. Онда 1112 үлескер баспана күтіп отыр. Қабылданған шаралардың нәтижесінде бұл үйлердің құрылысы қайта басталды. Дегенмен құрылыс қарқыны тиісті деңгейде жүргізіліп жатқан жоқ. Сондықтан үйлерді пайдалануға беру кестесін жаңартуды, құрылыс қарқынын арттыруды тапсырдым. Барлық кедергілер алынды, бірқатар мәселе шешілді, енді құрылыс компаниясы жұмыс қарқынын үдету қажет. Бұл екі тұрғын үй кешенінің құрылысын биыл аяқтап, пайдалануға беруді жоспарлап отырмыз.

Мысалы, «Бағыстан» тұрғын үй кешені бойынша ауқымды жұмыстар атқарылды. Инвесторларды тартып, сыртқы және ішкі инженерлік желілерді іске қосып, «GLB» үй құрылысы комбинатының жұмысын қайта жандандырдық. Сондай-ақ жол салынды, бағдаршамдар орнатылды және т. б. жұмыстар қолға алынды.

«№1, 3» позицияларда витраждар, терезелер орнатылды, инженерлік желілер тартылды (су, электр, жарық, кәріз). «№1» позиция бойынша жұмысшылар ішкі әрлеуге кірісті. Осы айда аталмыш позиция бойынша кілттерді беруді тапсырдым. Ал қалған позицияларды осы жылдың соңына дейін аяқтауды тапсырдым.
Ауа райы жақсарып келеді, сондықтан аумақты абаттандыруға кірісуді тапсырдым.

«GLB» үй құрылысы комбинатының мәселесін шешу «Алтын шар» тұрғын үй кешенінің құрылысын қайта жандандыруға көмектесті. Алдымен «Алтын шар 2», содан кейін «Алтын шар 3» кешенін тапсырамыз.

ҮҚК несие берушілер мен кәсіпорын қызметкерлері алдында шамамен 600 млн теңге қарызы болған. Мемлекет қабылдаған шаралардың арқасында қарыздар өтеліп, зауыттың жұмысы қайта жанданды. Бұл шаралардың барлығы үлескерлерге көптен күткен пәтерлерін тапсыру үшін қабылданды. Сонымен қатар ҮҚК әлеуметтік тұрғын үй құрылысына да қатысып жатыр.

Мемлекет басшысының тапсырмасы бойынша ұзақ құрылыстар бойынша жүйелі жұмыстар жүргізілуде. Бір жарым жыл ішінде ұзақ құрылыс саны екі еседен астам азайды. Осы жылы көптен күткен пәтерлердің кілтін тағы 7 мың үлескерге беруді жоспарлап отырмыз», — деп жазды елорда әкімі.

Фото: Александр Куприенко 

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109