2466

Елорда тұрғындары отандық QazVac вакцинасын белсенді қабылдауда

Елорданың медициналық мекемелерінің егу пунктерінде қала тұрғындары отандық QazVac вакцинасын белсенді түрде алып жатыр, деп хабарлайды қала әкімдігінің ресми сайты.

Мысалы «Абу-Даби Плаза» сауда ойын-сауық орталығының вакцина егу пункті 3 бөлме және күту залынан тұрады. Екпені салдыруға келген адам ең алдымен дәрігер қарауынан өтеді.

Дәрігер пациенттің жағдайын тексеріп, денсаулығына қатысты бірнеше сұрақ қояды. Артынша тамағын, қан қысымы мен дене қызуын өлшейді. Пациенттің халі барлық параметрге сай келсе вакцина салатын бөлмеге кіреді.

QazVac брендімен шығарылатын QazCovid-In отандық вакцинасы Дүниежүзілік денсаулық сақтау ұйымының тізіліміне енгізілген. Ол биологиялық қауіпсіздік проблемаларының ғылыми-зерттеу институтының базасында жасалған. Вакцина коронавирустық инфекцияға қарсы тұрақты иммунитетті қалыптастырады. Оның қауіпсіздігі мен басқа вакциналарға қарағанда артықшылығы дәлелденді. QazVac вакцинаассоциацияланған ауруларды тудырмайды.

Екі компонентті QazVac вакцинасының тиімділігі клиникалық сынақтардан кейін 96%-ды көрсеткен. Денсаулық сақтау министрінің мәліметінше, бүгінгі күні әрбір жиырмасыншы отандасымыз короновирусқа қарсы вакцина салдырған. Отандық вакцинаның артықшылықтарының бірі сақтау шарттары. Егер «Sputnik V» вакцинасы тоңазытқышта -18 градус температурада сақталса, QazVac вакцинасы 2-8 градус температурада сақталады.

«Мен арнайы осы қазақстандық вакцинаны күтіп, бүгін салдырдым. Менің ойымша, ғалымдар, биологиялық қауіпсіздік өкілдері QazVac вакцинасын өте жоғары деңгейде жасаған. Салдырған соң ешқандай кері әсерін байқамадым. Өзімді жақсы сезініп тұрмын», — деді астаналық Арын Өрсариев.

Бүгінде елордада 100-ге жуық егу пункті жұмыс істейді. Елордалықтарды вакцинациялау үшін барынша жағдай жасалған. Сонымен қатар, «Mega Silk Way», «Керуен», «Хан Шатыр» СОО-ларында егу пунктері ашылған. Қала тұрғындары қауіпті вирусқа қарсы вакцинацияны белсенді қабылдауда.

Айта кетейік, 27 сәуірдегі жағдай бойынша елордада коронавирусқа қарсы 95 мыңға жуық адам екпе салдырған. Оның ішінде қала тұрғындары мен қонақтары, мәдениет және өнер қайраткерлері де бар.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109