Астанада ағылшын тілі мұғалімдері арасында қалалық байқаудың қорытындысы шығарылды. Байқау елордада «Экспо -2017»  халықаралық көрмесі өтетіні туралы белгілі болғаннан кейін бірден жарияланды, - деп хабарлайды  қалалық Білім басқармасы.

«Байқаудың бірінші турында мұғалімдер: «Экспо 2017- Қазақстанның келбетін таныт» тақырыбында эссе жазды. Екінші турда ағылшын тілін белгілі дәрежеде білу мен сабақ беру әдісін көрсету тестісі өтті. Үшінші тур – шығармашылыққа арналды. Мұнда финалға шыққандар өздерінің таланттарын көрсетіп, мектептен тыс өмірдегі айналысатын машықтарын ортаға салды», - делінген хабарламада.

Бір айта кетерлігі, қазылар алқасының құрамына 2-3 шетел тілін меңгерген кәсіби педагогтар енді. Олардың арасында- ағылшын тілін жетік меңгерген және орыс тілінде сөйлейтін  Наварро Тео-Мальтадан келген ағылшын тілінің оқытушысы, Людвиг Ван Гран, Оңтүстік-Африка Республикасының өкілі және Каролин Бертоне- Франциядан келген өкіл бар.  Сонымен қатар, қазылар алқасының құрметті мүшесі бес тілді еркін меңгерген Германиядан келген Таня Унтербергер болды.

Астана қалалық  №25 орта мектептің мұғалімі Власова Мария Юрьевна сайыстың жеңімпазы атанды. Жеңімпазға жүлде ретінде Англияға екі апталық сапарға сертификат берілді.