1909

Нұр-Сұлтанда ұзақ құрылыстарға тексеру жүргізілді

Биыл елордада құрылысы аяқталып, 50-ден астам үй пайдалануға беріледі деп жоспарланып отыр. Бұл туралы Нұр-Сұлтан қаласының әкімі Алтай Көлгінов Instagram парақшасында мәлім етті, деп хабарлайды қала әкімдігінің ресми сайты.

«Қалада ұзақ уақыттан бері салынып келе жатқан құрылыстарды аяқтау жұмысын жүйелі түрде жалғастырамыз. Құрылысы аяқталмаған көппәтерлі тұрғын үй кешендері жылдар бойы тұрып қалды. Олардың ішінде 17 жылға созылған құрылыстар да бар. Әр нысанның жағдайы әртүрлі: бірінде тек қазандығы, ал екіншісінде апатты жағдайдағы қаңқасы ғана бар. «Сақалды» құрылыстың бәріне толық тексеру жүргіздік. 2019 жылы жазда осындай жағдайда тұрған, проблемасы шешілмеген 52 нысан болды. Олар бірнеше көппәтерлі кешеннен тұрады. 

✅20-дан астам тұрғын үй құрылысы кооперативтерінің төрағаларымен бірге ең өзекті деген мәселелерді талқыладық. Оның барысында нақты уақытын белгілеп, алдағы жұмыс жоспарын жасадық. Кездесуге «Жеті жол», «Магистральный», «Зере-2», «Арыстан», «Шығыс» (1А, 1В, 2А, 2В), «Баспана Көктал», «Үміт-Береке», «Столичный-2», «Ала Самал» және т.б. ТҚК өкілдері қатысты.

Мысалы, ТҚК, яғни тұрғын үй құрылыс кооперативтері қызметіне араласпау қағидатын сақтау, ресми мойындалған ТҚК-мен ғана ынтымақтастық жүргізу, типтік келісімшарттарды міндетті тіркеуден босату, сонымен қатар тұрғын үй қатынастары туралы заңның кейбір тармақтарына өзгерістер енгізу секілді өзге де мәселелер көтерілді. Кездесуге сонымен қатар қалалық полиция басшысы Е. Саденов, прокуратура өкілдері, БКҚ, басқармалар мен басқа да мемлекеттік органдар басшылары қатысты. Көтерілген мәселелер назарға алынып, сол бойынша жұмыстар жүргізілуде. 

Қазірдің өзінде қаладағы «сақалды» құрылыстардың айтарлықтай азайғанын байқауға болады. Мәселен, 2019 жылы жазда құрылысы ұзаққа созылған 52 нысан болса, сол жылдың соңында 10 «сақалды» құрылыс нысанын пайдалануға бердік. 2020 жылы одан екі есе көп нысан берілді. Биыл 50-ден астам үйдің құрылысын аяқтап, пайдалануға беруді көздеп отырмыз. Бұл 7 мыңнан астам үлескердің мәселесін шешуге мүмкіндік береді. Әрбір «сақалды» құрылыс бойынша кезең-кезеңімен жүзеге асырылатын шаралар жоспары жасалған», — деп жазды елорда әкімі.

Фото: Александр Куприенко

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109