1577

Нұр-Сұлтанда биыл қай елді мекендер газдандырылады

Нұр-Сұлтан қаласының әкімі Алтай Көлгінов Instagram парақшасында елорданың елді мекендерін газдандыру барысы туралы айтты, деп хабарлайды қала әкімдігінің ресми сайты.

«Күзде тағы жеті елді мекенді газбен қамтамасыз етеміз. Оңтүстік-Шығыс (Юго-Восток) елді мекені толықтай газбен қамтылады. Біз сыртқы желілерді жүргізгеннен кейін тұрғындар үйдің ішіне жүргізіп, қажетті жабдықтарды сатып алуы керек және т.б. Осыдан кейін көмір сатып алу, оны сақтау, сапасы секілді проблемаларды ойлаудың қажеті болмайды. 

Қаланы аралау барысында Оңтүстік-Шығыс елді мекенін газдандыру барысымен таныстым. Мысалы, 8-ші іске қосу кешені бойынша құрылыс-монтаждау жұмысы 95%-ға аяқталды. Нәтижесінде 90 км газ тарату желісі салынды. Бұл аумаққа Промышленный, Оңтүстік-Шығыс (сол жағы), Оңтүстік-Шығыс елді мекенінің оң жағының бір бөлігі кіреді. Қазіргі уақытта газ құбырын сынау жұмыстары жүргізілуде. 

Сонымен қатар, 9-шы іске қосу кешенінің құрылысы бойынша жұмыстар жүргізілуде. Бұл – Оңтүстік-Шығыстың негізгі аумағы (оң жағы). Онда 90 км газ тарату желісінің 65 шақырымы салынды. Осылайша алдағы жылыту маусымында Оңтүстік-Шығыс тұрғындары газға қосыла алады. Бұл шамамен 4 мың үй. 

150-ге жуық үй орналасқан «Қазақауыл» (Қараөткел) шағын ауданын газдандыруға қатысты жобалау-сметалық құжаттама әзірленіп жатыр. 

Өткен айда Көктал-1 газбен қамтамасыз етілді. Бұл елді мекеннің өзінде тағы 2600 үй газға қол жеткізді. Енді тұрғындар желіні үйінің ішіне өткізуі керек.

Сонымен қатар, Агроқалашық (2020 жылы газға қосылмаған бөлігі), Промышленный елді мекендерінде газ тарату желілерін салуды жалғастырамыз. Сондай-ақ, «ҚазТрансГаз Аймақ» АҚ Күйгенжар, Мичурино, Интернациональный елді мекендерінде газбен жабдықтау желілерінің құрылысын жүргізуде. Аталған елді мекендердің тұрғындары жаңа жылыту маусымында газға қосыла алады. 

Өткен жылыту маусымында Теміржолшылар, Көктал-2, Агроқалашықтың (бір бөлігі) тұрғындары газға қосылды. 345 км кварталішілік желі салынды.

Биыл барлығы 317 км газ тарату желісін саламыз, оның 220 шақырымнан астамы салынды.

Газдандыру – Елбасының ауқымды жобасы. Бұл жоба экологияны айтарлықтай жақсартуға мүмкіндік береді. Себебі жер үйлер көмір жақпайды, қала тұрғындарының өмір сүру жағдайы жақсарады, қауіпсіздік артады және т.б. 

Газдандыру процесі Мемлекет басшысының бақылауында», — деп жазды елорда әкімі.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109