1467

Демалыс күндері елордалық автобустарға дезинфекциялау жүргізіледі

Елорданың бас мемлекеттік санитарлық дәрігерінің қаулысына сәйкес қоғамдық көліктің жұмысы сенбі және жексенбі күндері дезинфекциялық өңдеу жүргізу үшін тоқтатылады, деп хабарлайды Нұр-Сұлтан әкімдігінің ресми сайты.

№3 автобус паркінде қоғамдық көліктерді залалсыздандыру жұмысы қалай жүргізілетіні айтылды.

№3 автобус паркі 8 қалалық маршрутқа қызмет көрсетеді, күн сайын желіге 114 автобус шығады.

«Жылжымалы құрамды дезинфекциялық өңдеу күніне бірнеше рет, яғни үзіліс кезінде жүргізіледі. Өңдеу жұмысы адам денсаулығына қауіпсіз 1% хлор ерітіндісімен жүзеге асырылады. Коронавирустық инфекция жұқтырғандардың өсуіне байланысты демалыс күндері автобустар толық өңдеуден өту үшін тоқтайды. Сенбі және жексенбі күндері дезинфекторларымыз автобустарды бірнеше рет ауқымды түрде өңдейді. Мұны жалпы тазарту деп айтуға болады. Дезинфекциялық құралдар жеткілікті мөлшерде сатып алынды», - деді №3 автобус паркінің директоры Нұрбол Ысқақов.

Автопаркте арнайы оқытылған дезинфекторлар жұмыс істейді.

«№3 автобус паркінде 2019 жылдан бері жұмыс істеп келемін. Пандемия басталысымен дезинфекторларға арналған оқудан өттім. Мұнда алты дезинфектор ауысыммен жұмыс істейміз. Автобустар жуылған соң ғана дезинфекцияланады, содан кейін дымқыл тазалау жүргізіледі. Біз тұтқаларды, орындықтарды, жолаушылар жиі ұстайтын жерлерді сүртеміз. Бір ауысымда орта есеппен 40 автобусты өңдейміз», - деді автопарктің дезинфекторы Әсемгүл Қасенова.

Оның айтуынша, жұмыс күндері әр автобус күніне кемінде екі рет өңделеді. Ал дезинфекциялық өңдеуден өтпеген көлік желіге шығарылмайды.

Естеріңізге сала кетейік, қоғамдық көлікте маска режимін қатаң түрде сақтау талап етіледі. Маскасыз кіруге тыйым салынады. Ал жолақысы қолма-қол ақшасыз төленеді.

Айта кетейік, Нұр-Сұлтанда коронавируспен ауыратындар саны күн сайын көбейіп келеді. Күн сайын КВИ жұқтырған 1000-нан астам науқас анықталады. Эпидемиологиялық жағдайға байланысты қала тұрғындары мен қонақтары саннормалар мен гигиена ережелерін қатаң сақтап, адам көп жиналатын орындарға бармауы тиіс.

Пандемиямен күресудің жалғыз жолы – вакцинация арқылы ұжымдық иммунитетті дамыту. Бүгінгі таңда Нұр-Сұлтанда COVID-19 вакцинасының бірінші компонентін 325 мыңнан астам адам алды, ал 215 мыңнан астам адам толық иммундаудан өтті.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109