2661

Нұр-Сұлтанда көпбалалы аналар жұртшылықты вакцинациялауға шақырады

Нұр-Сұлтанның әлеуметтік қызметкерлері, көпбалалы аналар қазақстандықтарды вакцинациядан өтуге шақырды, деп хабарлайды елорда әкімдігінің ресми сайты.

«Strong mothers» (Мықты аналар) қорының қызметкерлері көпбалалы және ерекше қажеттіліктері бар балаларды тәрбиелеп отырған аналармен жұмыс істейді. Қиын күндері әкімдіктің қолдауымен жалғыз басты аналарға және халықтың өзге де осал топтарына жан-жақты көмек көрсетеді. Олар қазіргідей жаппай вакцинация кезінде екпе алып, иммундаудан өтуге шақырды.

«Біздің қор көпбалалы, ерекше қажеттіліктері бар балаларды тәрбиелеп отырған отбасыларды қолдаумен айналысады. Оқу орталығында балаларға ағылшын тілін, шахмат, домбыра, гитара ойнауды, ментальді арифметика, робототехника және өзге де көптеген нәрселерді үйретеміз. Елорда әкімдігіне біздің қорға қолдау көрсеткені және жалпы әлеуметтік осал отбасыларды қолдағаны үшін алғыс айтқым келеді. Олардың көмегінің арқасында балаларымыз күлімсіреп сабағына барып, оқуға мүмкіндік алды. Әрине, елімізге ғана емес бүкіл әлемге пандемия қиындық тудырып тұрғанда шетте қалмай, вакцинациядан өту туралы шешім қабылдадық. Өзіміз үлгі көрсетіп, жақындарымызды қорғағымыз келеді. Ел тұрғындарын вакцинаның екі компонентін алуға шақырамын. Біз ұжымдық иммунитетті қалыптастырмайынша, бұл ауруды жеңе алмаймыз», - деді 4 баланың анасы, «Мықты аналар» қорының құрылтайшысы Ұлжан Мырзагелдиева.

Көпбалалы аналар коронавируспен қазір балалар жиі ауыра бастағанын айтты. Вирус ешкімді таңдамайды, үлкенге де, кішіге де қауіпті. Оның зиянынан тек вакцинация арқылы қорғануға болады.

Айта кетейік, елордада иммундау жүйесіне күмән келтіретіндер қатары азайып келеді. Қала тұрғындары жаппай вакцинацияны қолдайды, осылай ғана қауіпті вирустың зардаптарынан өзін және өзгелерді қорғауға болатынын біледі.

Бүгінгі таңда Нұр-Сұлтанда вакцинаның бірінші компонентін 326 мыңнан астам адам алды, ал 219 мыңнан астам азамат толық иммундаудан өтті.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109