1181

Нұр-Сұлтанда үш күнде 60-қа жуық нысан карантин талаптарын бұзғаны үшін әкімшілік жауапкершілікке тартылды

Елорданың мониторингтік топтары кәсіпкерлік нысандары арасында карантин бұзушыларды анықтауды жалғастыруда. Күн сайын олар 100-ден астам мекемені тексереді, олардың арасында ондаған нысанда санитарлық нормалардың бұзылғанын анықтайды. Өткен жексенбіде шектеу шараларын сақтамағаны үшін 12 нысан әкімшілік жауапкершілікке тартылды, деп хабарлайды Нұр-Сұлтан әкімдігінің ресми сайты.

Алматы ауданының мониторингтік топтары 1 тамызда «Какие люди» барында, «Анкара» түнгі клубында және «Сова» караоке клубында карантин бұзылғанын анықтады.
Сарыарқа ауданында "Food mix" кафесінде, "Eliks" кафесінде, "Элитная" моншасында және "Bruno" ресто-барында карантин талаптары сақталған жоқ.

Есіл ауданында карантиндік шектеулерді бұзған 5 мекеме анықталды. Олар: "Teqila" лаундж-бары, "Adagio" караоке-бары, "InForno" ресто-бары, "VZЛЕТНЫЙ" және "Слезы моих бывших" кафелері. Бұл мекемелер демалыс күндері жұмыс істеуіне тыйым салынғанына қарамастан, келушілерді қабылдады. Оның үстіне іште әлеуметтік қашықтық және бетперде режимі сақталған жоқ.

Тәртіп бұзушыларға қатысты жиналған материалдар әкімшілік шаралар қабылдау үшін санитариялық-эпидемиологиялық бақылау саласындағы уәкілетті органға берілді.

Айта кету керек, өткен демалыс күндері 30 шілде мен 1 тамыз аралығында 58 ойын-сауық мекемесі карантинді бұзушылар тізіміне енген. Сонымен қатар, жұмыс істеуіне тыйым салынғанына қарамастан кейбір дәмханалар мен мейрамханалар есігін жауып алып, ондаған адамның қатысуымен қыз ұзату, туған күн және мерейтой өткізді.

Естеріңізге сала кетейік, Нұр-Сұлтандағы эпидемиологиялық жағдай әлі де тұрақсыз. Тәулік сайын қалада КВИ жұқтырудың 1300-ден астам жағдайы анықталуда, коронавирустың орташа және ауыр ағымы бар 300-ге жуық адам аурухана төсектеріне түседі. Осыған байланысты елорда тұрғындары мен қонақтары, сондай-ақ кәсіпкерлік нысандары санитарлық нормаларды және карантин режимінің талаптарын мүлтіксіз сақтауы, адам көп жиналатын орындардан аулақ болуы тиіс.

Шектеу шараларын сақтамау және оған тиісті деңгейде қарамау коронавирус індетінің өршуіне жеткізеді.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109