5178

Кіші Талдыкөлдің сулы-батпақты жері зиянды заттардан тазартылады

ҚР Үкіметінің 2016 жылдың 23 желтоқсанындағы қаулысы негізінде бекітілген елорданың бас жоспарын және егжей-тегжейлі жоспарлау жобасын іске асыру аясында қаланың жинақы құрылысы бойынша қажетті іс-шаралар жүзеге асырылып жатыр.

Елорданың сәулет, қала құрылысы және жер қатынастары басқармасы 20 гектар аумаққа созылған Кіші Талдыкөл (Сығанақ көшесінің солтүстігі, Е22 көшесінің оңтүстігі, Тұран даңғылының шығысы және Ш.Айтматов көшесінің батыс жағы) су айдыны сақталатынын хабарлайды.

Бұл — сулы-батпақты орын және судың химиялық мөлшері шекті нормадан бірнеше есе асып, адам денсаулығына теріс әсер етуі мүмкін. Сол себепті бұл аймақ тазартылады. Сол сияқты су деңгейін көтеру үшін түбін қазу жұмыстары жүргізілмек. Осылайша батпақты жер тазартылған тоғанға айналып, маңайында саябақ ашылады.

Сулы-батпақты орынның іргелес аумағы абаттандырылады. Онда әлеуметтік нысандар: тұрғын үйлер, 2,5 мыңға жуық оқушыға арналған оқу орны, балабақша, медициналық орталық және т.б. ашылатын болады.

Айта кету керек, сулы-батпақты орынның Талдыкөл көлімен табиғи байланысы жоқ. Жер үсті ағындары мен жер асты сулары арқылы өзара қосылмайды. Қазіргі уақытта сулы-батпақты орын органикалық қосылыстар әсерінен шіріп кетуі және қоқыстың жиналуынан жағымсыз иіс шығатын және жәндіктер (масалар, кенелер) таралатын ошақ болып саналады.

Бұл орынға далалық өлшеулерді гидрографиялық жұмыстармен бір уақытта жүргізу барысында химиялық құрамын зерттеу үшін шөгінділерге сынама жүргізілді. Кіші Талдыкөлде адам денсаулығына кері әсер етуі мүмкін көптеген химиялық зат бар. Құрғақ қалдық 6,3 есе, темір мөлшері 6,2 есе, хлоридтер құрамы 9,5 есе, сульфаттар 12 есе, аммиак 5 есе артық. Сонымен қатар, Сығанақ көшесі маңындағы аммиактың мөлшері 2,5 мг құрады, бұл ШРК-дан (шекті рұқсат етілген концентрация) 1,5 есе асады.

Сондай-ақ, зерттеу нәтижесі бойынша су сапасы шаруашылық, ауыз су, балық шаруашылығы және рекреациялық мақсатта пайдалануға жол берілмейді.
Талдыкөлдің (үлкен Талдыкөл) өзінің экологиялық инфрақұрылымы болатынын атап өткен жөн. Талдыкөл көлінің жанынан қорық және орман-саябақ аумағы бар еліміздегі алғашқы табиғи парк ашылады. Тартымды орынға айналатын екінші экопарк Майбалық көлінің жанында (әуежай бағытының оңтүстік-шығыс жағы) болмақ.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109