1390

Нұр-Сұлтанның төрт ауданында дене шынықтыру-сауықтыру кешендері салынады

Елорданың төрт ауданындағы елді мекендерде дене шынықтыру-сауықтыру кешендері салынуда. Қала тұрғындары өз үйінен алысқа ұзамай-ақ, тегін барып, спортпен шұғылдана алады, деп хабарлайды Нұр-Сұлтан әкімдігінің ресми сайты.

Нұр-Сұлтан қаласының Сәулет, қала құрылысы және жер қатынастары басқармасында Алматы ауданындағы «Теміржолшылар» елді мекенінде №17 және ЖД2 жобалық атаулары бар көшелер қиылысындағы дене шынықтыру-сауықтыру кешенінің эскиздері көрсетілді. Оның жалпы ауданы 2634,2 шаршы метрді құрайды.

Спорт кешенінде баскетбол, волейбол, күрес және бокс секілді спорт түрлеріне арналған залдар, сондай-ақ қарт адамдарға арналған қызығушылық клубы бар. Мұнда Халыққа қызмет көрсету орталығы да орналасады. Екінші қабатта кітапхана, балалар алаңы, тамақ ішетін орын, әкімшілік және тұрмыстық үй-жайлар орналасқан.

«Дене шынықтыру-сауықтыру орталығы бұқаралық спортты насихаттау мақсатында салынған, бұл туралы Президент Қасым-Жомарт Тоқаев Қазақстан халқына Жолдауында айтқан болатын. Полицентрлік қағидат бойынша мұндай спорт нысандары елорданың 4 ауданында (елді мекендер) салынған. Сонымен қатар, спорттық аймақтарға және ашық кеңістіктерге деген үлкен сұранысты атап өтуге болады. Көше спортына арналған инфрақұрылымды құру жұмысы қаланың барлық ауданында «Нұр-Сұлтан – жайлы қала» мастер-жоспары бойынша жалғасатын болады», - деп атап өтті Сәулет, қала құрылысы және жер қатынастары басқармасының басшысы Нұрлан Ұранхаев.

Еске сала кетейік, бұған дейін елорда әкімі Алтай Көлгінов қала тұрғындарының дене шынықтыру-сауықтыру кешендеріне тегін бара алатынын хабарлаған болатын.

Айта кету керек, аулалар мен қоғамдық кеңістікті абаттандыру жұмысы елорда әкімінің тапсырмасы бойынша «Нұр-Сұлтан – жайлы қала» мастер-жоспарын іске асыру аясында жүргізілуде. 2020 жылы Нұр-Сұлтанда 150-ден астам аула және 60 қоғамдық кеңістік (саябақтар, скверлер, бульварлар) абаттандырылды. Биыл 190 нысан салынып, жөнделеді.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109