901

COVID-19-ға қарсы вакциналар қалай жұмыс істейді - сарапшы пікірі

Коронавирусқа қарсы әзірленген вакциналардың көпшілігі екі фазалы, бұл организмнің вирус қоздырғышына иммундық реакциясын күшейтуге мүмкіндік береді. ҚР Ұлттық фтизиопульмонология ғылыми орталығы директорының клиникалық және ғылыми жұмыстар жөніндегі орынбасары Ләззат Ералиева вакцинаның жұмыс істеу принципі туралы айтып берді, деп хабарлайды елорда әкімдігінің ресми сайты.

Медицина ғылымдарының докторы вакцинация бұрыннан көптеген инфекцияларға қарсы және сәтті қолданылып келе жатқанын және бұл тізімге коронавирустың да кіретінін еске салды.

«Барлық вакциналардың әрекет ету принципі бірдей - олар адамның иммундық жүйесін жасанды түрде ынталандыру, оған белгілі бір қоздырғышты немесе оның бір бөлігін тануға алдын-ала үйрету үшін қолданылады. Вакцинация кезінде иммундық жүйе аурудың қоздырғышын, ковид жағдайында өлтірілген SARS – CoV-2 вирусын немесе оның ақуызын таниды және инфекциямен күресетін антиденелер шығара бастайды», - деп түсіндірді профессор.

Сонымен қатар, адамның иммундық жүйесі қоздырғышты еске түсіреді және онымен қайта кездескенде оны тез жойып, аурудың ауыр ағымының алдын алады.

Ләззат Ералиева сонымен қатар, КВИ вакцинасының екі компонентін де алу неліктен маңызды екенін түсіндірді.

«Қазіргі уақытта SARS-CoV-2 вирусына қарсы барлық екпелер екі фазалы, яғни максималды қорғаныс үшін екінші дозаны енгізу қажет және бұл бірыңғай процедураның бөлігі. Коронавирусқа қарсы препараттың алғашқы дозасынан кейін жеткілікті дәрежеде күшті иммундық жауап қалыптасады. Екінші доза антиденелер деңгейін едәуір арттырады және иммундық жадтың ұзақ мерзімді активтенуі үшін қажет, сондықтан оны алу өте маңызды», - деп түсіндірді ол.

Осылайша, COVID-19 антиденелері вакцинаның екі компонентін алған адамдарда екінші дозадан кейін екі-үш апта ішінде пайда болады. Сондықтан препараттың екі компоненті де бір өндірушіден болғаны абзал.

«COVID-19 коронавирустық инфекциясына қарсы екпелер көбінесе иыққа салынады. Инъекцияға арналған орын жақын жерде лимфа түйіндері болатындай етіп таңдалады: оларда иммундық жүйені жаттықтыру басталады. Сіз вакцинацияның өзінен ауырмайсыз, бірақ кейбір адамдарда оған реакция пайда болуы мүмкін, мысалы, инъекция орнында ауырсыну (немесе ісіну) немесе температура», - деді спикер.

Айта кету керек, әлемдегі бірде-бір екпе инфекция жұқтырудан жүз пайыз қорғамайды, бірақ асқынулар мен өлімнен құтқара алады. Вакцинация - қауіпті вирустан қорғанудың жалғыз тиімді әдісі болып табылады.
Бүгінгі таңда Нұр-Сұлтанда коронавирусқа қарсы екпенің бірінші компонентін 406 мыңға жуық адам алды, 338 мыңнан астам азамат толық иммундаудан өтті.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109