1081

Екпе алып, карантиндік шектеулерсіз өмір сүр: Елорда тұрғындары азаматтарды вакцина алуға шақырды

Елорда тұрғындары халықты тек өзінің ғана емес, өзгелердің де денсаулығын қорғау үшін жақын арада вакцинациядан өтуге шақырады. Осылайша, ұжымдық иммунитет қалыптасады, бұл карантин мен шектеу шараларынсыз өмірге қайта оралуға мүмкіндік береді, деп хабарлайды Нұр-Сұлтан әкімдігінің ресми сайты.

Елордада эпидемиологиялық ахуал әлі де тұрақсыз. Инфекция жұқтырғандар саны көп. COVID-19 жұқтырғандар қатарының азайғанына қарамастан, Нұр-Сұлтан эпидемиологиялық жағдайды бағалау бойынша «қызыл» аймақта қалып отыр. Бұл жағдайдан шығудың жалғыз кепілдендірілген жолы екпе болып саналады.

«Пандемия екі жылға жуық уақытқа созылды. Үміт үзілуге шақ қалғанда вакцина жасап шығарды, енді, мен отбасымның қауіпсіздігі мен денсаулығына алаңдамаймын. Мәселен, қазір олармен саябақта еркін жүре аламын», - деді Нұр-Сұлтан қаласының тұрғыны Марлен Азаматұлы.

Пандемия қызмет көрсету саласының жұмысына да әсер етті. Мәжбүрлі карантиндік шектеулер кәсіпкерлік объектілерінің ғана емес, сондай-ақ олардың қызметкерлерінің табыс деңгейіне де кері әсерін тигізді. Елорданың қоғамдық тамақтану мекемелерінің қызметкерлері де азаматтарды мүмкіндігінше тезірек вакцинациядан өтіп, қалыпты өмірге оралуға шақырады.

«Екпенің арқасында біз қонақтарымыз бен өзіміздің денсаулығымыз үшін алаңдамаймыз. Жақын арада біз қандай да бір шектеусіз толық қуатта жұмыс істей аламыз деп үміттенемін және соған сенеміз», - деді «Көктем» кафесінің даяшысы Зинаида Тимошина.

Пандемия басталғаннан бері әсіресе, дәрігерлер мен медбикелерге үлкен күш түсті. Медицина мекемелерінің қызметкерлері екінші жыл қатарынан пациенттердің денсаулығы мен өмірі үшін күн сайын күресіп келеді. Енді екпе сияқты қуатты қару пайда болғаннан кейін, олар қауіпті инфекциядан қорғанудың бұл жолын тезірек қолдануға шақырады.

«Вакцинация – бұл қазіргі жағдайдан шығудың бірден-бір жолы. Тек коронавирустық инфекцияға қарсы вакцинация бізге қауіпсіздікті және қалыпты өмірге оралуды қамтамасыз ете алады. Мен баршаңызды бірігуге және ұжымдық иммунитет қалыптастыруға шақырамын», - деді №7 қалалық емхананың терапевті Әлия Өскенбекова.

Айта кету керек, бүгінгі таңда елордада COVID-19 вирусына қарсы екпенің бірінші компонентін 416 500 азамат алды, ал 355 мыңнан астам адам толық иммундаудан өтті.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109