1651

Қызылорда және Алматы облыстары Нұр-Сұлтандағы жәрмеңкеде өз өнімдерін ұсынды

Елордада ауыл шаруашылығы тауар өндірушілерінің жәрмеңкесі жалғасуда. Бүгін өз өнімдерін Қызылорда және Алматы облыстары ұсынды. Бұл туралы қала әкімдігінің ресми сайты хабарлады. 

"Қызылорда облысы жәрмеңкеге 11 және 12 қыркүйекте қатысады. Облыстан 70-тен астам ауыл шаруашылығы тауарын өндірушілер келді. 450 тоннадан астам өнім әкелінді. Елордаға негізгі өніміміз-140 тонна күріш әкелдік. Сондай - ақ, 20 тоннадан астам ет және басқа да көптеген тауарлар бар", - деді Қызылорда облыстық ауыл шаруашылығы басқармасының басшысы Талғат Бейсебаев. 

"Нұр-Сұлтандағы жәрмеңкеге Алматы облысының 17 ауданы мен 3 қаласы қатысады. 212 млн теңгенің 462 тонна өнімі әкелінді. Барлығы 50-ге жуық тауар түрі бар", - деді Алматы облысы Ауыл шаруашылығы басқармасының басшысы Мақсұт Жапаров. 

Сондай-ақ, жәрмеңкеде "Байқоңыр" ӘКК өз серіктестерінің өнімін ұсынды. 

"Біздің ерекше өніміміз - ол табиғи қауын чипсылары. Бұл балаларға беруге болатын өте пайдалы өнім. Сондай-ақ, біз "жантақ балын" ұсындық. Бұл жантақ шөбінен алынған бал. Өздеріңіз білетіндей, мұндай шөп Қызылордада өседі. Бұл бал алғаш рет осындай ірі көлемде жәрмеңкеде ұсынылды", - деп атап өтті "Байқоңыр" ӘКК өкілі Динара Эшатова. 

Айта кету керек, нөсер жаңбырға қарамастан жәрмеңкеге жүздеген қала тұрғындары мен қонақтары келді. Нарық бағасынан төмен тауарлар-бұл астаналықтар үшін өз қорларын толықтыруға және түрлі облыстың азық-түлік дәмін татуға тамаша мүмкіндік. 

"Осындай жәрмеңкелерді өткізіп тұратыны өте жақсы. Кіру және шығу кезінде адамдар ағыны бақыланады және санитарлық нормалардың сақталуын қадағалап отырады. Пандемияға қарамастан, бүгін отбасымызбен бірге қажетті азық - түлік сатып алдық", - деді елорда тұрғыны Балқадиша.

"Мен елордада көптен бері тұрамын. Бүгін туған өлкемнен келген өнімді көріп, таныстарымды кездестіріп қуанып тұрмын ", - деп бөлісті елорда тұрғыны Арман. 

Естеріңізге сала кетейік, Нұр-Сұлтандағы апта сайынғы жәрмеңке 31 қазанға дейін жалғасады.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109