1491

Алтай Көлгінов бұқаралық спортты дамыту туралы айтты

Спорттық нысандар тек кәсіби спортшылардың жарыстары мен жаттығулары өтетін орын емес, сонымен қатар балалар спортпен шұғылданатын мекеме болуы керек. Бұл туралы Нұр-Сұлтан қаласының әкімі Алтай Көлгінов өзінің Instagram парақшасында жазды, деп хабарлайды қала әкімдігінің ресми сайты. 

«Спорт нысандарын балалар мен жастар үшін қолжетімді етіп жатырмыз. Бұл жаттығу сапасына, дамуға серпін береді. Мемлекет басшысының тапсырмасына сәйкес бұқаралық спорт, балалар мен жасөспірімдер спорт мектептерін дамытуға басымдық берілмек. Спорттық инфрақұрылымды кәсіби клубтарға емес, бұқаралық спорт түрлеріне баса назар аудара отырып дамытамыз», - деп жазды әкім. 

Алтай Көлгінов 2020 жылы ашылған жеңіл атлетика спорт кешенін мысал ретінде келтірді. Онда жеңіл атлетиканың 7 түрінен тек кәсіби спортшылар ғана айналыса алатын.

«Енді қала тұрғындарын көбірек қамту үшін қыркүйек айынан бастап балалар да бара алады. Ол үшін жеңіл атлетикадан «Nur-Sultan» спорт клубы құрылды. Ол жаттықтырушыларды жалдауға және олардың еңбегіне жалақы төлеуге, сондай-ақ спортпен айналысатын балалар санын арттыруға мүмкіндік береді. Клубтың ерекшелігі – жеңіл атлетикамен ниет білдірген өзге оқушылар да айналыса алады. Яғни, бұған дейін БЖСМ-де болудың қажеті жоқ, дайындықсыз келіп те жаттыға аласыз. Ол үшін қалалық федерацияға жүгіну немесе №9 БЖСМ арқылы тіркелу қажет», - деді Алтай Көлгінов. 

Сонымен қатар, қала басшысы балалар мен жасөспірімдер спортының өзге де түрлеріне қолдау көрсетілетінін атап өтті. Қазір қалада 8 мыңнан астам баланы қамтитын 11 балалар мен жасөспірімдер спорт мектебі жұмыс істейді. Әкімнің айтуынша, қосымша қаржыландыру есебінен балалар саны 50%-дан астам ұлғайтылады. Сондай-ақ, аула клубтарының саны көбейеді. Бірінші кезеңде олардың санын 30-дан 50-ге дейін артады. Бұл түрлі спорт түрімен айналысатын балалар санын екі есе көп қамтуға мүмкіндік береді.

«Нұр-Сұлтан – жайлы қала» мастер-жоспары аясында соңғы екі жылда 400 аула мен қоғамдық кеңістік (саябақтар, гүлзарлар, желекжолдар) салынды, төрт елді мекенде дене шынықтыру-сауықтыру кешені құрылысын жүргізіп жатырмыз, сондай-ақ үстел теннисі орталығын салып жатырмыз. Бұқаралық спортты дамыту бойынша жұмыстарды жүйелі түрде жүргізіп келеміз», - деп Нұр-Сұлтан қаласының әкімі Алтай Көлгінов сөзін түйіндеді.

Фото: Александр Куприенко

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109