1720

Елордалық спортшы Азияның үш дүркін чемпионы атанды

Біріккен Араб Әмірліктерінің Абу-Даби қаласында джиу-джитсудан «Asian Jiu Jitsu Championship 2021» Азия чемпионаты өтіп жатыр. Байрақты бәсекеге 19 елден 500-ге жуық спортшы қатысуда. Жарыстың алғашқы күні ел намысын қорғаған елордалық спортшылар «NE-Waza» бөлімі бойынша сынға түсті, деп хабарлайды Нұр-Сұлтан әкімдігінің ресми сайты.

57 келі салмақ дәрежесінде ел намысын қорғаған елордалық спортшы Галина Дуванова жарыстың алтын жүлдесін жеңіп алып, үш дүркін Азия чемпионы атанды.

Чемпионаттың алғашқы екі кездесуінде Галина қарсыластарын уақытынан бұрын жеңіп, ақтық мәреге жолдама алды. Финалда БАӘ-нің спортшысын да ауырту әдісімен уақытынан бұрын жеңіп, жарыс жеңімпазы атанды.

«Кезекті алтын жүлдеме қол жеткізгенім үшін қуаныштымын. Педьесталда тұрып, еліміздің әнұраны шырқалғандағы мақтаныш сезімін сөзбен жеткізе алмаймын. Азия чемпионатының салтанатты ашылу рәсімінде еліміздің көк байрағын алып шықтым. Бұл мен үшін үлкен мәртебе. Нәтижеме көңілім толды. Тағы да дайындала түсіп, шеберлігімді шыңдайтын боламын. Жарқын жеңістерім әлі алда», – деді Галина Дуванова.

Азия чемпионатында сынға түскен Ислам Мамилов пен Нұржан Батырбеков 69 келіде қарсылас шақ келтірмеді. Финалдық кездесуде екі спортшымыз алтынды өзара сарапқа салды. Нәтижесінде Ислам Мамилов бірінші, Нұржан Батырбеков екінші орын алды.

Осылайша елордалық спортшылар ел құрамасының қоржынына екі алтын, бір күміс жүлдені салды.

Материалдарды қандай да бір жолмен пайдалануға – Нұр-Сұлтан қаласының ресми сайтына белсенді гиперсілтеме болған жағдайда жол беріледі http://astana.gov.kz

Сәлеметсіз бе, мен Mr.iKomekпін - Нұр-Сұлтан қаласы әкімдігінің iKomek бірыңғай байланыс орталығының виртуалды операторымын. Сервис алу үшін алғашқы тіркеуден өтіңіз немесе жеке кабинетке кіріңіз.
Введите свои данные.
Тіркеу сәтті өтті!
Жеке кабинетке кіру үшін өз логиныңыз бен кілтсөзіңізді енгізіңіз.
Өтініштің мән-жайын толықтай жазуды және болса фото/бейне материалдар тіркеуіңізді сұраймыз.
Сіздің өтінішіңіздің өңделу дәрежесін жеке кабинеттен қарай аласыз, сонымен қатар Сіз өтінішті тіркеу нөмірі бойынша іздеу қызметін пайдалана аласыз.
Өтініштің өңделу дәрежесі туралы ақпарат алу үшін өтініштің тіркеу нөмірін енгізіңіз.
Қандай да бір түйткіл туындады ма? Бұл сервисті тағы да пайдаланып көріңіз.
Енді Сіз iKomek орталығына өтініш жібере аласыз немесе өзіңіздің жеке кабинетіңізге кіре аласыз.
iKomek орталығының «Өтінішті іздеу», «Сауалнамадан өту» сияқты қосымша қызметтерін пайдаланыңыз.
iKomek орталығы бойынша қосымша ақпаратпен «FAQ» / «Жиі қойылатын сұрақтар» бөлімінде танысуға болады.
Нұр-Сұлтан – жайлы өмір сүруге арналған қала!
iKomek 109